Yʋʋma 1 - GH

GBAUŊ KANƐ PIN'IL ( Yʋm 1–41 ) Zugsɔb nidib nɛ nimbɛ'ɛdnam yɛla

¹ Yɛlsʋm bɛ nɛ onɛ pʋ di'ed nimbɛ'ɛdnam sa'alʋgɔ bɛɛ dɔl tʋʋmbɛ'ɛd dimi dɔl suosieba la, bɛɛ nɔk o mɛŋi la'as nɛ nintʋ'ʋsnama.

² Amaa o sʋnf bɔɔdim anɛ ye o dɔl Zugsɔb wada la ka zamisidi li yʋ'ʋŋ nɛ nintaŋ wʋsa.

³ O sɔb nwɛnɛ tikanɛ ka ba sɛ kɔlʋg nɔɔrin nɛ, ka li wan saŋa kanɛ nar ye li wal ka li vaand pʋ sʋʋgida. O ya'a maal si'el wʋsa o nyɛti li nyɔɔd.

⁴ Nimbɛ'ɛdnam la on ka' ala! Ba nwɛnɛ udug linɛ ka sisi'em da'adi ken.

⁵ Alazug tʋʋmbɛ'ɛd dim na paam kʋʋsbɛ'ɛd, ba na baki ba yis ka bas pʋpielim dim la.

⁶ Bɔzugɔ Zugsɔb la gur pʋpielim dim la, amaa nimbɛ'ɛdnam la kennɛ san'auŋʋn.