Zebûr 98 - Kurmanji Încîl

Zebûr 98

Zebûr

¹ Ji Xudan re lavijek nû bixwînin, Çimkî wî karên nedîtî kir, Wî bi destê xwe yê rastê û zendê xwe yê pîroz serketin anî.

² Xudan rizgarkirina xwe da bihîstin, Rastdariya xwe li pêş çavê miletan nîşan da.

³ Hezkirin û dilsoziya xwe ya, Ji gelê Îsraêlê re bibîr anî; Çaraliyên dinê, rizgarkirina Xwedayê me dît.

⁴ Ey tevahiya dinê, ji bo Xudan bi şahî biqîrin! Bi lavijên şahiyê, erd û ezman rakin ser lingan!

⁵ Bi lîrê spas bikin ji bo Xudan, Bi çengê û dengê xweş bidin spasiyan!

⁶ Bi zirnê û bi dengê boriyan, Li pêş Xudanê ku padîşah e, bi şahî biqîrin.

⁷ Bila derya û tijebûna wê, Dinya û yên lê rûdinên biqîrin.

⁸ Bila çem, li çepikan xin, Çiya bi hev re, bi şahî biqîrin li pêş Xudan.

⁹ Çimkî ew tê, Da ku dadbar bike dinê bi edaletê, Ewê gelan, bi rastiyê dadbar bike.