Zebûr 87 - Kurmanji Încîl

Zebûr 87

Zebûra kurên Korah, lavij

¹ Bingeha wê, li ser çiyayê pîroz e.

² Xudan ji deriyên Siyonê, Ji hemû avahiyên Aqûb bêtir hes dike.

³ Li ser te peyvên berziyê tên gotin, ey bajarê Xwedê:

⁴ «Di nav yên ku min dinasin de, Ezê Rahav û Babîlê bibîr bînim, Va ye Filîstî, Sûr û Hebeş. Ev mirov li wê derê çêbûne.»

⁵ Belê wê ji bo Siyonê weha bê gotin: «Ev zilam û hemû yên din, li wê derê çêbûn. Û Yê Berz bi xwe, wê derê qayim dike.»

⁶ Çaxê ku Xudan miletan binivîse, Wê bêje, «Ev li Siyonê çêbûne.»

⁷ Stranbêj û govendger, Wê bêjin, «Hemû çavkaniyên min ji te ne!»