Zebûr 82 - Kurmanji Încîl

Zebûr 82

Zebûra Asaf

¹ Li civata Xwedê, Xwedê radiweste, Di nav îlahan de dadbariyê dike.

² «Ma tê heta kîngê bi neheqî bidî biryar, Ji bo xeraban bibî meyildar?

³ Li doza yê lewaz û sêwiyan binêrin, Mafê bindest û feqîran biparêzin.

⁴ Yê lewaz û belengaz xelas kin, Wan ji destê xeraban azad kin.»

⁵ Ji ber ku hûn nizanin û fêm nakin, Û di tarîyê de digerin, Hemû bingehên erdê dihejin.

⁶ «Min got, ‹Hûn îlah in, Û hemû kûrên Yê Berz in!›

⁷ Dîsa hûnê wek mirovan bimirin, Wek yek ji serokan, hûnê bikevin!»

⁸ Rabe ey Xwedê, rûyê erdê dadbar bike! Çimkî hemû milet yên te ne.