Zebûr 8 - Kurmanji Încîl

Zebûr 8

Zebûra Dawid a li ser Gîtîtê.

¹ Ey Serwerê me Xudan, Çiqas mezin e navê te li erd û ezman! Berziya te dagirtiye ezman.

² Te bi devê yên berşîr û zarokan, Li pêş dijminên xwe çeper çêkirî, Dengê neyar û yê ku heyfê distîne birî.

³ Gava ku ez dinêrim li ezman, Karê destê te, heyv û stêran,

⁴ Hingê dipirsim ez ji xwe: «Mirov çi ye ku tu wî bibîr bînî, Kurê mirov çi ye ku tu wî bibînî?»

⁵ Te ew piçekê ji xwe kêmtir afirand, Bi taca berzî û rûmetê xemiland.

⁶ Te ew li ser karên destê xwe kir serwer, Her tişt kir bin lingê wî seranser:

⁷ Pez û dewarên xwe, Heywanên xwe yên çolê da ser.

⁸ Teyrên ezman û masiyên behran, Hemû giyandarên keviyên deryayan.

⁹ Ey Serwerê me Xudan, Çiqas mezin e navê te, li erd û ezman!