Zebûr 70 - Kurmanji Încîl

Zebûr 70

Ji bo bibîranînê, Zebûra Dawid

¹ Ey Xwedê, zû min azad ke! Ey Xudan, bi lez were alîkariya min!

² Bila şerm bikin û rûyê wan sor bibe, Yên ku digerin li kuştina min! Bila riswa bibin, Yên ku şa dibin bi xerabiya min!

³ Yên ku ji min re dibêjin «Ox, Ox» Bila ji şerma xwe şûn ve vegerin!

⁴ Hemû yên ku li te digerin, Bila bi te hênik û şa bibin! Yên ku ji rizgarkirina te hez dikin, Bila hergav bêjin «Xwedê mezin e!»

⁵ Belê ez bindest û belengaz im, Ey Xwedê, tu bazde alîkariya min! Tu yî alîkar û rizgarkarê min, Dereng nemîne, ya Xudan!