Zebûr 48 - Kurmanji Încîl

Zebûr 48

Lavij, Zebûra kurên Korah

¹ Xudan mezin e û li bajarê Xwedayê me, Li çiyayê wî yê pîroz, hêjayî spaskirinê ye.

² Bajarê padîşahê mezin ê li bakûr, Çiyayê Sîyonê yê xweş bilind, Şahiya hemû erdê ye.

³ Xwedê xwe li kelehên wî, Wek birceke bilind da bihîstin.

⁴ Padîşah civiyan, Bi hev re bi ser Sîyonê ve meşiyan.

⁵ Belê bi dîtina wê şaş man, Tirsiyan û zû reviyan.

⁶ Li wir, lerizînekê bi wan girt. Janekê bi wan girt, wek jina ku zarok tîne.

⁷ Bi bayê rojhilat, Tu dişînî keştiyên Tarşîş.

⁸ Li bajarê Xudanê ordiyan, Li bajarê Xwedayê me, Me çawa bihîst, me wisa dît. Wê Xwedê, her û her biparêze vî bajarî.

⁹ Ey Xwedê, li perestgeha te, Em fikirîn kerema te.

¹⁰ Ey Xwedê, wek navê te, Gihîşt çar aliyên dinê pesnê te. Tije ye, destê te yê rastê ji edaleta te.

¹¹ Bila bi dadbariya te, Şa be Çiyayê Siyonê, Dilşa bin keçên Cihûda!

¹² Li der û dora Siyonê bigerin, Bircan bijimêrin,

¹³ Baş li sûrên wê binêrin, Li kelehên wê temaşe kin, Da ku hûn ji nifşên nû re bêjin.

¹⁴ Ev Xwedê, hergav û her û her Xwedayê me ye, Heta mirinê ew rêberê me ye.