Zebûr 47 - Kurmanji Încîl

Zebûr 47

Zebûra kurên Korah

¹ Ey hemû miletno, li çepikan xin! Bi stranên şahiyê biqîrin ji Xwedê re!

² Çimkî Xudan, Yê Herî Berz e, tirsdar e, Li ser tevahiya erdê, padîşahê mezin e.

³ Ew miletan dike bin me, Ummetan dike bin lingê me.

⁴ Wî mîrasa me ji bo me bijart, Serbilindiya Aqûbê ku wî jê hez dikir.

⁵ Xwedê bi qîrîna şahiyê, Xudan bi dengê boriyê bilind bû.

⁶ Pesnê Xwedê bidin, bidin pesnê wî; Pesnê padîşahê me bidin, pesnê wî bidin!

⁷ Çimkî Xwedê padîşahê hemû dinê ye, Bi têgihîştin, bidin pesin!

⁸ Xwedê li ser textê xwe yê pîroz rûdinê, Padîşahî dike li ser hemû miletan.

⁹ Serokên miletan, li hev civiyan, Ji bo ku bibin milet ji bo Xwedayê Brahîm; Çimkî mertalgirên erdê, yên Xwedê ne. Ew gellek mezin e.