Zebûr 3 - Kurmanji Încîl

Zebûr 3

Zebûra Dawid, çaxê ku ji kurê xwe Abşalom reviya.

¹ Ya Xudan, çiqas zêde bûn dijminên min, Gelekan serî rakir li ber min.

² Gelek kes li ser min dibêjin: «Li ba Xwedê ji bo wî xelasî nîne.»

³ Belê tu ya Xudan, tu mertal î li hawirdora min, Tu yî, berzî û serbilindiya min.

⁴ Bi dengê xwe ez bang dikim Xudan, Ji çiyayê xwe yê pîroz dide bersîvan.

⁵ Ez razam di xew re çûm, Ez cardin hişyar bûm, çimkî Xudan ji min re bû destek.

⁶ Tirsa min, Ji peraniya ku çaralî dor li min pêçaye tune.

⁷ Ya Xudan rabe, ey Xwedê min xelas ke, Li çena hemû dijminên min xe, Diranê xeraban bişikîne.

⁸ Xelasî bi Xudan e, Bila bereketa te li ser gelê te be.