Zebûr 130 - Kurmanji Încîl

Zebûr 130

Lavija Hecê

¹ Min ji kûrahiyan bangî te kir, ya Xudan!

² Tu dengê min bibihîze, ya Reb! Tu baş goh bide hawara min!

³ Ya Xudan, eger tu bigirî hesabê sûcan, Ya Reb, kî dikare bimîne li ser lingan?

⁴ Belê tu bexişkar î, Da ku ji te bê tirsîn.

⁵ Çavê min li riya Xudan e, Canê min li benda wî ye, Hêviya min peyva wî ye.

⁶ Yên ku li benda sibê ne, Erê, ji yên ku li benda sibê ne bêtir, Canê min li benda Reb e.

⁷ Ey Îsraêl, hêviya xwe bi Xudan ve girêde! Çimkî li ba Xudan kerem, Û bi wî rizgariya temam heye.

⁸ Yê ku wê Îsraêlê, Ji hemû gunehên wê rizgar bike ew e.