Zebûr 128 - Kurmanji Încîl

Zebûr 128

Lavija Hecê

¹ Xwezî bi wan ku ji Xudan ditirsin, Di riyên wî de dimeşin!

² Tê keda destê xwe bixwî, Ewê dilgeşî û firehî ya te be.

³ Di hundirê malê de jina te, wê bibe wek dêliya berdar; Zarokên te, wê wek şaxên zeytûnê li dora sifrê bicivin.

⁴ Va ye, zilamê ku ditirse ji Xudan, Bi vî awayî tê pîrozkirin.

⁵ Xudan te li Sîyonê pîroz bike! Di hemû rojên jiyana xwe de, Tu firehiya Orşelîmê bibînî.

⁶ Û tu, zarokên zarokên xwe bibînî! Aştî li ser Îsraêlê be!