Zebûr 110 - Kurmanji Încîl

Zebûr 110

Zebûra Dawid

¹ Xudan ji efendiyê min re got: «Heta ku ez dijminên te, ji bin lingê te re bikim pêpelûk Tu li milê min ê rastê rûnê.»

² Wê Xudan ji Siyonê gopalê hêza te bişîne, Tu di nav dijminên xwe de serweriyê bajo!

³ Di roja te ya şer de, Wê gelê te bi dilxwazî herin. Wek xunava ku di seherê de dikeve, Bi rewnaqiya pîroz pêçayî, Wê xortên te li pey te werin.

⁴ Xudan sond xwar, ji sonda xwe nazivire: «Li gor pergala Melkîsedek, Tu her û her kahîn î!»

⁵ Reb li milê te yê rastê ye, Di roja xwe ya xezebê de, wê li padîşahan xe.

⁶ Wê di nav miletan de dadbariyê bike, Wê hawirdor bi laşan tije bibe, Wê li seranserê erdê, serokan bipelçiqîne.

⁷ Wê ji newala li ser riya xwe avê vexwe; Loma wê serê xwe rast bigire.