Zebûr 11 - Kurmanji Încîl

Zebûr 11

Zebûra Dawid

¹ Ez xwe dispêrim Xudan, Hûn çawa ji bo min dibêjin, «Wek çivîkan bireve çiyan.

² Binêre li xeraban, Dişidînin kevanan, Ji bo ku di tariyê de bavêjin yên dilpak, Ditikînin tîran.

³ Çaxê bingeh hilweşîn, Dikare çi bike zilamê rastîn?»

⁴ Li perestgeha pîroz e Xudan, Textê wî li ezmanan, Ew her kesî dibîne, Hemû mirovan diceribîne.

⁵ Yê rast diceribîne Xudan, Ji yê xerab, ji yê zordar aciz e, ji can.

⁶ Wê li ser xeraban terafa agir û kewkurtê bibarîne, Wê para wan bikeve kasa bayê ku dişewitîne.

⁷ Çimkî Xwedê rast e, ji rastiyê hez dike; Li ber mirovê rast rûyê xwe vedike.