Yêşû 21 - Kurmanji Încîl

Bajarên ji eşîra Lêwî re hatin veqetandin

¹ Serekên binemalên Lêwiyiyan hatin ba Êlezarê Kahin, Yêşûyê kurê Nûn û serekên binemalên eşîrên gelê Îsraêl

² û wan li axa Kenanê, li Şîloyê ji wan re got: “Xudan bi riya Mûsa emir kir ku bajarên em lê rûnin û mêrgên em heywanên xwe lê biçêrînin bidin me.”

³ Loma li ser fermana devê Xudan, Îsraêliyan ji mîrasa xwe ev bajar û mêrgên wan dan Lêwiyiyan.

⁴ Pişk li binemalên Qohatiyan ket. Lêwiyiyên kurên Harûnê Kahin, bi riya pişkê ji eşîrên Cihûda, Şimûn û Binyamîn sêzdeh bajar standin.

⁵ Qohatiyên din bi riya pişkê ji binemalên eşîrên Dan, Efrayîm û nîveşîra Minaşşe deh bajar standin.

⁶ Gêrşoniyan bi riya pişkê ji binemalên eşîrên Aşêr, Neftelî, Îssexar û nîveşîra Minaşşe ya li Başanê sêzdeh bajar standin.

⁷ Binemalên Mêrariyiyan ji eşîrên Gad, Rûbên û Zevûlon duwanzdeh bajar standin.

⁸ Çawa ku Xudan bi riya Mûsa li wan emir kiribû, Îsraêliyan ev bajar û mêrgên wan bi riya pişkê dan Lêwiyiyan.

⁹ Navên bajarên ku wan ji eşîrên Cihûda û Şimûn dan wan ev bûn

¹⁰ ku li binemalên Qohat ên ku Lêwiyî û kurên Harûn in ketin. Çimkî pişka pêşî li wan ket.

¹¹ Wan li herêma çiyayî ya Cihûdayê Qîryat-Arbaya ku navê xwe ji bavkalê Enaqiyan Arbayê distand –ku Hevron e– û mêrgên dora wî dan wan.

¹² Lê zevî û gundên bajêr, bi milkî dan Kalêvê kurê Yefûnne.

¹³ Wan ev der dan kurên Harûnê Kahin: Hevrona bajarê sitargeha kesên bûne sedema mirina kesên din û mêrgên wî, Lîvna û mêrgên wî,

¹⁴ Yattîr û mêrgên wî, Eştemoa û mêrgên wî,

¹⁵ Holon û mêrgên wî, Devîr û mêrgên wî,

¹⁶ Eyîn û mêrgên wî, Yûtta û mêrgên wî, Bêtşemeş û mêrgên wî; ji du eşîran neh bajar,

¹⁷ ji eşîra Binyamîn, Gîvon û mêrgên wî, Geva û mêrgên wî,

¹⁸ Enatot û mêrgên wî, Elmon û mêrgên wî; çar bajar.

¹⁹ Bajarên kurên Harûn –ku kahin in– li ser hev sêzdeh bajar û mêrgên wan bûn.

²⁰ Wan ev bajar ji eşîra Efrayîm bi riya pişkê dan Qohatiyên din ên ji Lêwiyiyên binemalên Qohatiyan:

²¹ Şexema bajarê sitargeha kesên bûne sedema mirina kesên din û mêrgên wî yên li herêma çiyayî ya Efrayîmê, Gezer û mêrgên wî,

²² Qîvsayîm û mêrgên wî û Bêthoron û mêrgên wî; çar bajar,

²³ ji eşîra Dan, Êlteqe û mêrgên wî, Gîbbeton û mêrgên wî,

²⁴ Ayalon û mêrgên wî û Gat-Rîmmon û mêrgên wî; çar bajar,

²⁵ ji nîveşîra Minaşşe, Taenax û mêrgên wî û Gat-Rîmmon û mêrgên wî; du bajar.

²⁶ Bajarên ku ji binemalên Qohatiyên din, li ser hev deh bajar û mêrgên wan bûn.

²⁷ Wan ev der ji para nîveşîra Minaşşe dan Gêrşoniyên ku yek ji binemalên Lêwiyiyan in: Golana bajarê sitargeha kesên bûne sedema mirina kesên din û mêrgên wî ku li herêma Başanê û Beeştera û mêrgên wî; du bajar,

²⁸ ji eşîra Îssexar, Qîşyon û mêrgên wî, Daverat û mêrgên wî,

²⁹ Yarmût û mêrgên wî û Eyn-Gannîm û mêrgên wî; çar bajar,

³⁰ ji eşîra Aşêr, Mîşal û mêrgên wî, Evdon û mêrgên wî,

³¹ Helqat û mêrgên wî û Rehov û mêrgên wî; çar bajar,

³² ji eşîra Neftelî, Qedeşa bajarê sitargeha kesên bûne sedema mirina kesên din û mêrgên wî ku li herêma Celîleyê, Hammot-Dor û mêrgên wî û Qartan û mêrgên wî; sê bajar.

³³ Bajarên binemalên Gêrşoniyan, li ser hev sêzdeh bajar û mêrgên wan bûn.

³⁴ Wan ev der ji para eşîra Zevûlon dan Lêwiyiyên mayî ango binemalên Mêrariyiyan: Yoqneam û mêrgên wî, Qarta û mêrgên wî,

³⁵ Dîmna û mêrgên wî, Nahalal û mêrgên wî; çar bajar,

³⁶ ji eşîra Rûbên, Beser û mêrgên wî, Yahsa û mêrgên wî,

³⁷ Qedêmot û mêrgên wî, Mefaet û mêrgên wî; çar bajar,

³⁸ ji eşîra Gad, Ramota Gîlada bajarê sitargeha kesên bûne sedema mirina kesên din û mêrgên wî, Mahanayîm û mêrgên wî,

³⁹ Heşbon û mêrgên wî, Yazêr û mêrgên wî; li ser hev çar bajar.

⁴⁰ Bajarên ku bi riya pişkê ji binemalên Mêrariyiyên mayî yên ji binemalên Lêwiyiyan re hatin dayîn, duwanzdeh bajar bûn.

⁴¹ Bajarên Lêwiyî yên di nav welatê Îsraêl de li ser hev çil û heşt bajar û mêrgên wan bûn.

⁴² Li derdora van hemû bajaran mêrg hebûn, bajarekî bêmêrg tunebû.

⁴³ Bi vî awayî Xudan tevahiya welêt da bav û kalên Îsraêliyan ku ji wan re sond xwar. Îsraêliyan jî ew ji xwe re kirin milk û tê de rûniştin.

⁴⁴ Çawa ku wî ji bav û kalên wan re sond xwaribû, Xudan ji her alî ve aramî da wan. Ji dijminên wan, tu kes li ber wan nesekinî. Xudan hemû dijminên wan dan destê wan.

⁴⁵ Tu gotina Xudan a ku wî dabû Mala Îsraêl vala derneket. Hemû pêk hatin.