Yêşû 15 - Kurmanji Încîl

Mîrasa eşîra Cihûda

¹ Mîrasa binemalên Cihûdayiyan bi riya pişkê hat dayîn. Mîrasa wan ber bi aliyê başûr ve heta sînorê Edomê bû û di binê başûrê wê de heta Beriya Zînê dirêj bû.

² Sînorê wan ê başûr ji keviya başûr a Gola Xwê destpê dikir. Ew ji binê başûrê golê destpê dikir

³ û digihîşt başûrê Hevrazê Dûpişkan. Ji wir, ew heta Beriya Zînê dirêj dibû û ji wir jî digihîşt başûrê Qadêş-Barnêayê. Bi vî awayî ew derbasî Hesron û Addarê dibû. Sînor ji Addarê ber bi aliyê Qarqayê ve ditewiya,

⁴ ji Esmonê û ji Geliyê Misrê derbas dibû û li Derya Spî diqediya. Sînorê wan ên başûr ev bû.

⁵ Sînorê rojhilat ji Gola Xwê heta ber devê Çemê Şerîayê diçû. Sînorê bakur, ji binê gola li devê Çemê Şerîayê destpê dikir,

⁶ heta Bêthoglayê diçû, ji wir di bakurê Bêteravayê re derbas dibû û digihîşt Kevirê Bohanê kurê Rûbên.

⁷ Ji wir sînor ji Deşta Exorê heta Devîrê diçû, heta Gîlgala ku li pêşberî Hevrazê Adûmmîmê yê ku li başûrê deştê ye, ber bi aliyê başûr ve ditewiya, heta ava Eyn-Şemeşê diçû û digihîşt Eyn-Rogêlê.

⁸ Piştre derbasî ji geliyê Ben-Hînnomê yê ku başûrê pala Bajarê Yevûsê –ku Orşelîm e– ye re dibû û ji vir hildikişiya serê çiyayê ku li rojhilatê Geliyê Hînnomê dikeve û li Bakurê Deşta Refayîmê ye.

⁹ Ji serê çiyê, sînor ditewiya, heta kaniya avên Neftoahê diçû û digihîşt bajarên Çiyayê Efronê. Li wir ew ber bi alî Baalayê ve –ku Qîryat-Yearîm e– ditewiya.

¹⁰ Sînorê ku ji rojavayê Baalayê ber bi Çiyayê Seîrê ve dizivirî, derbasî bakurê Çiyayê Yearîmê dibû ku Kesalon e, digihîşt Bêtşemeşê. Paşê derbasî Tîmnayê dibû,

¹¹ sînor dirêjî palên bakurê Eqronê dibû, ber bi aliyê Şîkkeronê ve ditewiya, derdiket Çiyayê Baalayê, digihîşt Yavneyêlê û li Derya Spî diqediya.

¹² Sînorê rojava keviyên Derya Spî bû. Sînorên li dora binemalên Cihûdayiyan ev bûn.

¹³ Li ser fermana devê Xudan ku wî lê kir, Yêşû Qîryat-Arba –ku Hevron e– ya ku para Cihûdayiyan bû da Kalêvê kurê Yefûnne. Arba bavkalê Enaqiyan bû.

¹⁴ Kalêv her sê neviyên Enaq qewitandin; Şêşay, Ahîman û Talmay.

¹⁵ Ji wir, ew bi ser şêniyên Devîrê de çûn ku navê wê yê berê Qîryat-Sêfer bû.

¹⁶ Kalêv got: “Kesê ku êrîşî Qîryat-Sêferê bike û desteser bike, ezê Exsaya keça xwe bidimê.”

¹⁷ Otniyêlê kurê Qenazê birayê Kalêv bajar desteser kir û Kalêv keça xwe Exsa da wî.

¹⁸ Çaxê keçik çû ba mêrê xwe, wê jê xwest ku ji bavê wê zeviyekê bixwaze. Gava keçik ji kerê peya bû, Kalêv jê re got: “Tiştekî ji min dixwazî heye?”

¹⁹ Keçikê jê re got: “Diyariyekê bide min. Te ez şandim Negevê, li ser vê yekê kaniyên avê bide min.” Bi vî awayî Kalêv kaniyên jorîn û jêrîn jî dan wê.

²⁰ Mîrasa binemalên Cihûdayiyan ev bû.

²¹ Bajarên Cihûdayiyan ên herî li başûr ên ber bi sînorên Edomê ve ev bûn: Qavseyêl, Eder, Yagûr,

²² Qîna, Dîmona, Edada,

²³ Qedeş, Hasor, Yîtnan,

²⁴ Zîf, Telem, Baalot,

²⁵ Hasor-Hadatta, Qeriyot-Hesron –ku Hasor e–

²⁶ Amam, Şema, Molada,

²⁷ Hasar-Gadda, Heşmon, Bêtpelet,

²⁸ Hasar-Şûel, Beêr-Şeva, Bîzyotya,

²⁹ Baala, Îyîm, Esem,

³⁰ Êltolad, Kesîl, Horma,

³¹ Zîqlag, Madmanna, Sansanna,

³² Levaot, Şîlhîm, Eyîn û Rîmmon; bi gundên xwe ve bîst û neh bajar.

³³ Li herêma Şefêlayê, Eştaol, Sora, Aşna,

³⁴ Zanoah, Eyn-Gannîm, Tappûah, Ênam,

³⁵ Yarmût, Edûllam, Soxo, Ezêqa,

³⁶ Şaerayîm, Edîtayîm, Gedêra û Gedêrotayîm; bi gundên xwe ve çardeh bajar.

³⁷ Senan, Hadaşa, Mîgdal-Gad,

³⁸ Dîlan, Mîspe, Yoqteyêl,

³⁹ Laxîş, Bosqat, Eglon,

⁴⁰ Kabbon, Lahmas, Kitlîş,

⁴¹ Gedêrot, Bêtdagon, Naema û Maqqêda; bi gundên xwe ve şanzdeh bajar.

⁴² Lîvna, Eter, Eşan,

⁴³ Yîftah, Aşna, Nesîv,

⁴⁴ Qeîla, Akzîv û Marêşa; bi gundên xwe ve neh bajar.

⁴⁵ Bi navçe û gundên xwe ve Eqron,

⁴⁶ rojavayê Eqronê, bi gundên xwe ve hemû derên li dora Aşdodê,

⁴⁷ bi navçe û gundên xwe ve Aşdod, bi gund û bajarên xwe ve Xeza, derên heta Geliyê Misrê û keviyên Derya Spî.

⁴⁸ Li herêma çiyayî, Şamîr, Yattîr, Soxo,

⁴⁹ Danna, Qîryat-Sanna –ku Devîr e–

⁵⁰ Enav, Eştemo, Enîm,

⁵¹ Goşen, Holon û Gîlo; bi gundên xwe ve yanzdeh bajar.

⁵² Arav, Dûma, Eşan,

⁵³ Yanûm, Bêttappûah, Afêqa,

⁵⁴ Hûmta, Qîryat-Arba –ku Hevron e– û Sîor; bi gundên xwe ve neh bajar.

⁵⁵ Maon, Karmel, Zîf, Yûtta,

⁵⁶ Yîzreyêl, Yoqdeam, Zanoah,

⁵⁷ Qayîn, Gîva û Tîmna; bi gundên xwe ve deh bajar.

⁵⁸ Halhûl, Bêtsûr, Gedor,

⁵⁹ Maerat, Bêtenot û Êlteqon; bi gundên xwe ve şeş bajar.

⁶⁰ Qîryat-Baal –ku Qîryat-Yearîm e– û Rabba; bi gundên xwe ve du bajar.

⁶¹ Li beriyê, Bêterava, Middîn, Sexaxa,

⁶² Nîvşan, Bajarê Xwê û Eyn-Gedî; bi gundên xwe ve şeş bajar.

⁶³ Lê Cihûdayiyan Yevûsiyên ku li Orşelîmê rûdiniştin neqewitandin. Yevûsî heta îro jî di nav Cihûdayiyan de li Orşelîmê dimînin.