Yêşû 12 - Kurmanji Încîl

Padîşahên hatin têkbirin

¹ Padîşahên welêt ên ku Îsraêliyan ew têk birin û welatên wan ên li rojhilatê Çemê Şerîayê, ji Geliyê Arnonê heta Çiyayê Hermonê û li tevahiya rojhilatê Eravayê ji xwe re kirin milk, ev bûn:

² Sîhonê Padîşahê Amoriyan ê ku li Heşbonê rûdinişt û li ser axa ji Eroêra li keviya Geliyê Arnonê û heta Çemê Yabboqê yê ku sînorê Emmoniyan bû dajot û nîvê herêma Gîladê tê de bû

³ û li ser axa ji Eravayê ber bi rojhilat ve heta Gola Kînneretê, ber bi aliyê Bêtyeşîmotê ve heta Gola Eravayê –Gola Xwê– û ber bi aliyê başûr ve jî heta palên Çiyayê Pîsgayê, serwerî dikir

⁴ û axa Ogê Padîşahê Başanê yê ku ji saxmayiyên Refayî bû, li Eştarot û Edreiyê rûdinişt

⁵ û li ser axa Çiyayê Hermonê, Salkayê, tevahiya Başana ku digihîşt sînorên Geşûrî û Maexayiyan û nîvê din ê Gîlada ku digihîşt sînorê Sîhonê Padîşahê Heşbonê, serwerî dikir.

⁶ Mûsayê xulamê Xudan û Îsraêliyan ew têk birin. Mûsayê xulamê Xudan ev welat bi milkî dan eşîrên Gad, Rûbên û nîveşîra Minaşşe.

⁷ Yêşû û Îsraêliyan padîşahên welêt ên ku li rojavayê Çemê Şerîayê, ji Baal-Gada li Deşta Lubnanê heta Çiyayê Halaqê hildikişiya Seîrê, têk birin. Welatê Yêşû bi milkî di nav eşîrên Îsraêl de parve kir, ev in:

⁸ Herêma çiyayî, Şefêla, Erava, palên çiya, berî û Negevê bixwe ne ku welatên Hîtîtî, Amorî, Kenanî, Perîzzî, Hîwî û Yevûsiyan in.

⁹ Padîşahên van deran ev in: Padîşahê Erîhayê, Padîşahê Ayê ya nêzîkî Bêt-Êlê,

¹⁰ Padîşahê Orşelîmê, Padîşahê Hevronê,

¹¹ Padîşahê Yarmûtê, Padîşahê Laxîşê,

¹² Padîşahê Eglonê, Padîşahê Gezerê,

¹³ Padîşahê Devîrê, Padîşahê Gederê,

¹⁴ Padîşahê Hormayê, Padîşahê Eradê,

¹⁵ Padîşahê Lîvnayê, Padîşahê Edûllamê,

¹⁶ Padîşahê Maqqêdayê, Padîşahê Bêt-Êlê,

¹⁷ Padîşahê Tappûahê, Padîşahê Hêferê,

¹⁸ Padîşahê Afêqê, Padîşahê Şaronê,

¹⁹ Padîşahê Madonê, Padîşahê Hasorê,

²⁰ Padîşahê Şîmron-Meronê, Padîşahê Akşafê,

²¹ Padîşahê Taenaxê, Padîşahê Megîddoyê,

²² Padîşahê Qedeşê, Padîşahê Yoqneama li Karmelê,

²³ Padîşahê Dorê ya li Nafat-Dorê, Padîşahê Goyîmê ya li Gîlgalê

²⁴ û Padîşahê Tîrsayê. Bi giştî sî û yek padîşah bûn.