Hejmartin 26 - Kurmanji Încîl

Hejmartina diduyan

¹ Piştî nexweşiya kulê, Xudan ji Mûsa û Êlezarê kurê Harûnê Kahin re got:

² “Tevahiya civaka Îsraêl, li gorî binemalên wan, her kesê bîst salî û mezintir ê ku dikare şer bike bijmêrin.”

³ Mûsa û Êlezarê Kahin li pêşberî Erîhayê, li deştên Moavê, li rojhilatê Çemê Şerîayê ji gel re got:

⁴ “Çawa ku Xudan li Mûsa emir kiriye, hemû mêrên bîst salî û mezintir bijmêrin.” Îsraêliyên ji Misrê derketibûn ev bûn:

⁵ Rûbênê kurê pêşî yê Îsraêl. Kurên Rûbên: Ji Henox binemala Henoxiyan, ji Pallû binemala Pallûyiyan,

⁶ ji Hesron binemala Hesroniyan û ji Karmî binemala Karmiyiyan.

⁷ Binemalên Rûbêniyan ev bûn. Hejmara wan 43.730 kes bû.

⁸ Kurên Pallû: Êliyav.

⁹ Kurên Êliyav: Nemûêl, Datan û Avîram. Datan û Avîram ew kes bûn ku ji civakê hatibûn hilbijartin û bi Qorax re li dijî Xudan û li dijî Mûsa û Harûn serî hildabûn.

¹⁰ Gava agir bi du sed û pêncî kesî ket û ew şewitandin, erd devê xwe vekir û ew bi Qorax re daqurtandin. Ev yek bû îbret.

¹¹ Lê kurên Qorax nemirin.

¹² Li gorî binemalên xwe kurên Şimûn: Ji Nemûêl binemala Nemûêliyan, ji Yamîn binemala Yamîniyan, ji Yaxîn binemala Yaxîniyan,

¹³ ji Zerah binemala Zerahiyan û ji Şawûl binemala Şawûliyan.

¹⁴ Binemalên Şimûniyan ev bûn. Hejmara wan 22.200 kes bû.

¹⁵ Li gorî binemalên xwe kurên Gad: Ji Sefon binemala Sefoniyan, ji Haggî binemala Haggiyiyan, ji Şûnî binemala Şûniyiyan,

¹⁶ ji Oznî binemala Ozniyiyan, ji Êrî binemala Êriyiyan,

¹⁷ ji Arod binemala Arodiyan û ji Arêlî binemala Arêliyiyan.

¹⁸ Binemalên Gadiyan ev bûn. Hejmara wan 40.500 kes bû.

¹⁹ Herdu kurên Cihûda Êr û Onan, li welatê Kenanê miribûn.

²⁰ Li gorî binemalên xwe kurên Cihûda: Ji Şêla binemala Şêlayiyan, ji Peres binemala Peresiyan û ji Zerah binemala Zerahiyan.

²¹ Ziriyeta Peres: Ji Hesron binemala Hesroniyan û ji Hamûl binemala Hamûliyan.

²² Binemalên Cihûdayiyan ev bûn. Hejmara wan 76.500 kes bû.

²³ Li gorî binemalên xwe kurên Îssexar: Ji Tola binemala Tolayiyian, ji Pûwa binemala Pûniyan,

²⁴ ji Yaşûv binemala Yaşûviyan û ji Şîmron binemala Şîmroniyan.

²⁵ Binemalên Îssexariyan ev bûn. Hejmara wan 64.300 kes bû.

²⁶ Li gorî binemalên xwe kurên Zevûlon: Ji Serêd binemala Serêdiyan, ji Elon binemala Eloniyan û ji Yahleyêl binemala Yahleyêliyan.

²⁷ Binemalên Zevûloniyan ev bûn. Hejmara wan 60.500 kes bû.

²⁸ Li gorî binemalên xwe kurên Ûsiv: Minaşşe û Efrayîm.

²⁹ Kurên Minaşşe: Ji Maxîr binemala Maxîriyan –Maxîr bavê Gîlad bû– ji Gîlad binemala Gîladiyan.

³⁰ Kurên Gîlad ev bûn: Ji Îyezer binemala Îyezeriyan, ji Hêleq binemala Hêleqiyan,

³¹ ji Asriyêl binemala Asriyêliyan, ji Şexem binemala Şexemiyan,

³² ji Şemîda binemala Şemîdayiyan û ji Hêfer binemala Hêferiyan.

³³ Kurên Selofhadê kurê Hêfer tunebûn, lê keçên wî hebûn. Navên keçên Selofhad ev bûn: Mahla, Noa, Hogla, Mîlka û Tîrsa.

³⁴ Binemalên Minaşşeyiyan ev bûn. Hejmara wan 52.700 kes bû.

³⁵ Li gorî binemalên xwe kurên Efrayîm ev bûn: Ji Şûtelah binemala Şûtelahiyan, ji Bexer binemala Bexeriyan û ji Tahan binemala Tahaniyan.

³⁶ Kurên Şûtelah ev bûn: Ji Êran binemala Êraniyan.

³⁷ Binemalên Efrayîmiyan ev bûn. Hejmara wan 32.500 kes bû. Li gorî binemalên xwe kurên Ûsiv ev bûn.

³⁸ Li gorî binemalên xwe kurên Binyamîn: Ji Bela binemala Belayiyan, ji Aşbêl binemala Aşbêliyan, ji Ahîram binemala Ahîramiyan,

³⁹ ji Şûfam binemala Şûfamiyan û ji Hûfam binemala Hûfamiyan.

⁴⁰ Kurên Bela, Ard û Naeman bûn. Ji Ard binemala Ardiyan û ji Naeman binemala Naemaniyan.

⁴¹ Binemalên Binyamîniyan ev bûn. Hejmara wan 45.600 kes bû.

⁴² Li gorî binemalên xwe kurên Daniyan ev bûn: Ji Şûham binemala Şûhamiyan û ji Dan binemala Daniyan.

⁴³ Hemû binemalên Şûhamiyan ev bûn. Hejmara wan 64.400 kes bû.

⁴⁴ Li gorî binemalên xwe kurên Aşêriyan: Ji Yîmna binemala Yîmnayiyan, ji Yîşwî binemala Yîşwiyiyan û ji Beriya binemala Beriyayiyan.

⁴⁵ Kurên Beriya: Ji Hever binemala Heveriyan û ji Malkiyêl binemala Malkiyêliyan.

⁴⁶ Navê keça Aşêr Serah bû.

⁴⁷ Binemalên Aşêriyan ev bûn. Hejmara wan 53.400 kes bû.

⁴⁸ Li gorî binemalên xwe kurên Neftelî: Ji Yahseyêl binemala Yahseyêliyan, ji Gûnî binemala Gûniyiyan,

⁴⁹ ji Yêser binemala Yêseriyan û ji Şîllêm binemala Şîllêmiyan.

⁵⁰ Binemalên Nefteliyiyan ev bûn. Hejmara wan 45.400 kes bû.

⁵¹ Îsraêliyên ku hatin hejmartin ev bûn. Li ser hev 601.730 kes bûn.

⁵² Xudan ji Mûsa re got:

⁵³ “Li gorî hejmara navên wan, wê welat bi mîrasî li wan bê parvekirin.

⁵⁴ Tê ji binemalên zêde re mîrasa zêde, ji binemalên kêm re jî mîrasa kêm bidî. Wê li gorî hejmara xwe her binemal mîrasa xwe bistîne.

⁵⁵ Lê wê welat bi riya pişkê bê parvekirin. Wê herkes mîrasa xwe li gorî eşîra bavê xwe bistîne.

⁵⁶ Çi mezin çi biçûk wê para her eşîrê bi riya pişkê bê parvekirin.”

⁵⁷ Li gorî binemalên xwe, hejmartina Lêwiyiyan ev bû: Ji Gêrşon binemala Gêrşoniyan, ji Qohat binemala Qohatiyan û ji Mêrarî binemala Mêrariyiyan.

⁵⁸ Binemalên Lêwiyiyan ev bûn: Binemala Lîvnî, binemala Hevron, binemala Mahlî, binemala Mûşî û binemala Qorax. Qohat bavê Emram bû.

⁵⁹ Jina Emram, Yoxeveda ji ziriyeta Lêwî bû ku li Misrê hatibû dinyayê. Yoxevedê ji Emram re Harûn, Mûsa û Miryema xwişka wan anî.

⁶⁰ Ji Harûn re Nadav, Avîhû, Êlezar û Îtamar çêbûn.

⁶¹ Lê gava wan li hizûra Xudan agirê xerîb pêşkêş kir, Nadav û Avîhû mirin.

⁶² Kesên ji Lêwiyiyan hatin hesibandin, kurikên yekmehî û mezintir, hemû kesên kurîn 23.000 kes bûn. Ew bi gelê Îsraêl re nehatin hejmartin, çimkî di nav gelê Îsraêl de mîras nedabûn wan.

⁶³ Kesên ji aliyê Mûsa û Êlezarê Kahin ve hatin hejmartin ev bûn. Wan gelê Îsraêl li pêşberî Erîhayê, li deştên Moavê, li rojhilatê Çemê Şerîayê hejmart.

⁶⁴ Lê di nav van kesên hejmartî de, tu Îsraêliyek tunebû ku Mûsa û Harûnê Kahin li Beriya Sînayê hejmartibûn.

⁶⁵ Çimkî Xudan li ser wan gotibû: “Wê esse li beriyê bimirin.” Ji xeynî Kalêvê kurê Yefûnne û Yêşûyê kurê Nûn, tu kes ji wan sax nemabû.