Hejmartin 2 - Kurmanji Încîl

Pergala konên eşîran

¹ Xudan ji Mûsa û Harûn re got:

² “Bila gelê Îsraêl li gorî malbatên xwe, di bin alên xwe de li pêşberî Konê Hevdîtinê, bi çermedorî kon vede.”

³ Ji aliyê rojhilat ve, wê Cihûdayî li gorî yekîneyên xwe girêdayî ala artêşgeha xwe kon vedin. Wê Nahşonê kurê Emmînadav bibe serekê Cihûdayiyan.

⁴ Hejmara kom û yekîneyên wî, 74.600 kes bû.

⁵ Wê eşîra Îssexar li kêleka wî kon vede. Wê Sûarê kurê Natanêl serekê Îssexariyan be.

⁶ Hejmara kom û yekîneyên wî 54.400 kes bû.

⁷ Piştre wê eşîra Zevûlon konê xwe vede. Wê Êliyavê kurê Hêlon serekê Zevûloniyan be.

⁸ Hejmara kom û yekîneyên wî 57.400 kes bû.

⁹ Hejmara zilamên yekîneyên ku ji artêşgeha Cihûdayê re hatibû veqetandin 186.400 kes bû. Wê pêşî wan koç bikira.

¹⁰ Wê li aliyê başûr, li gorî yekîneyên xwe girêdayî ala artêşgeha Rûbên bin. Wê Êlîsûrê kurê Şedêûr bibe serekê Rûbêniyan.

¹¹ Hejmara kom û yekîneyên wî 46.500 kes bû.

¹² Wê eşîra Şimûn li kêleka wan kon vede. Wê Şelûmiyêlê kurê Sûrîşadday bibe serekê Şimûniyan.

¹³ Hejmara kom û yekîneyên wî 59.300 kes bû.

¹⁴ Piştre eşîra Gad tê. Wê Êlyasafê kurê Deûêl bibe serekê Gadiyan.

¹⁵ Hejmara kom û yekîneyên wî 45.650 kes bû.

¹⁶ Hejmara zilamên yekîneyên ku ji artêşgeha Rûbên re hatibû veqetandin 151.450 kes bû. Wê wan di dora diduyan de koç bikira.

¹⁷ Wê Konê Hevdîtinê û artêşgeha Lêwiyiyan di navenda artêşgehan de bi rê bikin. Wê her kes di bin ala xwe de, li gorî pergala konvedana yekîneyên xwe koç bike.

¹⁸ Li aliyê rojava, wê li gorî yekîneyên xwe girêdayî ala artêşgeha Efrayîm bin. Wê Êlîşamayê kurê Emmîhûd bibe serekê Efrayîmiyan.

¹⁹ Hejmara kom û yekîneyên wî 40.500 kes bû.

²⁰ Wê eşîra Minaşşe li kêleka wî be. Gamliyêlê kurê Pedahsûr wê bibe serekê Minaşşeyiyan.

²¹ Hejmara kom û yekîneyên wî 32.200 kes bû.

²² Piştre eşîra Binyamîn tê. Wê Avîdanê kurê Gîdonî bibe serekê Binyamîniyan.

²³ Hejmara kom û yekîneyên wî 35.400 kes bû.

²⁴ Hejmara zilamên yekîneyên ku ji artêşgeha Efrayîm re hatibû veqetandin 108.100 kes bû. Wê wan di dora sisêyan de koç bikira.

²⁵ Li aliyê bakur, wê li gorî yekîneyên xwe girêdayî ala artêşgeha Dan bin. Ahiyezerê kurê Emmîşadday wê bibe serekê Daniyan.

²⁶ Hejmara kom û yekîneyên wî 62.700 kes bû.

²⁷ Wê eşîra Aşêr li kêleka wan kon vede. Pagiyêlê kurê Oxran wê bibe serekê Aşêriyan.

²⁸ Hejmara kom û yekîneyên wî 41.500 kes bû.

²⁹ Piştre eşîra Neftelî tê. Wê Ahîrayê kurê Eynan bibe serekê Nefteliyiyan.

³⁰ Hejmara kom û yekîneyên wî 53.400 kes bû.

³¹ Hejmara zilamên yekîneyên ku ji artêşgeha Daniyan re hatibû veqetandin 157.600 kes bû. Di bin ala xwe de, wê piştî hemûyan koç bikira.

³² Hejmartina gelê Îsraêl ev bû ku li gorî malbatên wan hat kirin. Hejmara hemû yekîneyên artêşgehan 603.550 kes bû.

³³ Lê çawa ku Xudan li Mûsa emir kiribû, Lêwiyî di nav gelê Îsraêl de nehatin hejmartin.

³⁴ Gelê Îsraêl her tiştî bi awayê ku Xudan li Mûsa emir kiriye pêk anî. Di bin alên xwe de kon vedan. Bi vî awayî her kesî bi binemal û malbata xwe re koç kir.