Dîrok I, 7 - Kurmanji Încîl

Ziriyeta Îssexarê kurê Îsraêlê Pêxember

¹ Kurên Îssexar: Tola, Pûa, Yaşûv û Şîmron. Çar kur bûn.

² Kurên Tola: Ûzzî, Refaya, Yeriyêl, Yahmay, Yîvsam û Samûêl. Ev serekên binemalên Tola bûn. Li gorî qeyda ziriyeta Tola, ew mêrxasên nifşê xwe bûn. Di rojên Dawid de hejmara wan bîst û du hezar û şeş sed kes bûn.

³ Kurê Ûzzî: Yîzrahya. Kurên Yîzrahya: Mîxayîl, Ovadya, Yoêl û Yîşşiya. Her pênc jî serekên binemalan bûn.

⁴ Li gorî qeyda ziriyetê, artêşa wan ji sî û şeş hezar kesan pêk dihat. Çimkî xweyên gelek jin û zarokan bûn.

⁵ Li gorî qeyda ziriyetê, hejmara mêrxasên wî yên binemalên Îssexar heştê û heft hezar şervan bû.

Ziriyeta Binyamînê kurê Îsraêlê Pêxember

⁶ Kurên Binyamîn: Bela, Bexer û Yedyeyêl. Sê kur bûn.

⁷ Pênc kurên Bela hebûn: Esbon, Ûzzî, Ûzziyêl, Yerîmot û Îrî. Ew mêrxas û serekên binemalan bûn. Li gorî qeyda ziriyetê, hejmara wan bîst û du hezar û sî û çar kes bûn.

⁸ Kurên Bexer: Zemîra, Yoeş, Êliyezer, Êlyoênay, Omrî, Yerêmot, Aviya, Enatot û Elemet. Ev hemû kurên Bexer bûn.

⁹ Li gorî qeyda ziriyetê, hejmara serek û mêrxasên wan bîst hezar û du sed kes bû.

¹⁰ Kurê Yedyeyêl: Bîlhan. Kurên Bîlhan: Yeûş, Binyamîn, Êhûd, Kenaena, Zêtan, Tarşîş û Ahîşahar.

¹¹ Kurên Yedyeyêl mêrxas bûn û tevahiya wan serekên binemalan bûn. Li gorî qeyda ziriyetê, hejmara wan hivdeh hezar û du sed kes bû.

¹² Kurên Îr: Şuppîm û Huppîm. Kurê Ahêr: Huşîm.

Ziriyeta Nefteliyê kurê Îsraêlê Pêxember

¹³ Kurên Neftelî: Yahsiyêl, Gûnî, Yêser û Şallûm. Ev ji ziriyeta Bîlha bûn.

Ziriyeta Minaşşeyê neviyê Îsraêlê Pêxember

¹⁴ Kurên Minaşşe: Asriyêlê ji cariyeya Aramî û Maxîr. Maxîr, bavê Gîlad bû.

¹⁵ Maxîr, Maexaya ku xwişka Huppîm û Şuppîm bû ji xwe re anî. Kurê diduyan ê Maxîr Selofhad bû. Tenê keçên Selofhad hebûn.

¹⁶ Maexaya jina Maxîr kurek anî. Navê wî Pereş danî. Navê birayê wî Şereş bû. Ûlam û Reqem, kurên Şereş bûn.

¹⁷ Kurê Ûlam: Bedan. Ziriyeta Minaşşe, kurê Maxîr, kurê Gîlad ev bûn.

¹⁸ Hammolexeta xwişka Gîlad, Îşxod, Aviyezer û Mahla anîn.

¹⁹ Kurên Şemîda: Ahyan, Şexem, Lîqhî û Anîam.

Ziriyeta Efrayîmê neviyê Îsraêlê Pêxember

²⁰ Ziriyeta Efrayîm: Şûtelah, Bered, Tahat, Êleda, Tahat,

²¹ Zavad û Şûtelah, herwiha Êzer û Êlad. Gatiyên ku li welêt çêbûne, Êzer û Êlad kuştin. Çimkî dihatin ku heywanên wan talan bikin.

²² Efrayîmê bavê wan bi rojan şîn dikir. Birayên wî hatin teseliya wî.

²³ Bi jina xwe re raza. Jinik bi zaro ma û kurek anî. Bavê wî navê Beriya li kurik kir, çimkî li mala wî bela hebû.

²⁴ Şeera keça wî bû ku Bêthorona Jorîn û Jêrîn, Ûzzen-Şeerayê ava kiribûn.

²⁵ Ziriyeta Beriya: Refah, Reşef, Telah, Tahan,

²⁶ Ladan, Emmîhûd, Êlîşama,

²⁷ Nûn û Yêşû.

²⁸ Milk û bajarên Efrayîmiyan ev bûn: Bêt-Êlê û gundên wê, li aliyê rojhilat Naeran, li aliyê rojava Gezer û gundên wê, Şexem û gundên wê, heta Eyayê û gundên wê,

²⁹ herwiha li ser sînorên eşîra Minaşşeyiyan, Bêtşean û gundên wê, Taenax û gundên wê, Megîddo û gundên wê, Dor û gundên wê bûn. Kurên Ûsivê kurê Îsraêl li van bajaran rûniştin.

Ziriyeta Aşêrê kurê Îsraêlê Pêxember

³⁰ Kurên Aşêr: Yîmna, Yîşwa, Yîşwî û Beriya. Serah xwişka wan bû.

³¹ Kurên Beriya: Hever û Malkiyêlê avakarê Bîrzayîtê.

³² Hever bavê Yaflet, Şomêr, Hotam û Şûaya xwişka wan bû.

³³ Kurên Yaflet: Pasak, Bîmhal û Eşwat. Ew kurên Yaflet bûn.

³⁴ Kurên Şemêr: Ahî, Rohga, Yehûbba û Aram.

³⁵ Kurên Hêlemê birayê wî: Sofah, Yîmna, Şêleş û Emal.

³⁶ Kurên Sofah: Sûah, Harnefer, Şûel, Bêrî, Yîmra,

³⁷ Beser, Hod, Şamma, Şîlşa, Yîtran û Beera.

³⁸ Kurên Yeter: Yefûnne, Pîspa û Ara.

³⁹ Kurên Ûlla: Arah, Hanniyêl û Rîsya.

⁴⁰ Tevahiya van kesan ji ziriyeta Aşêr bûn. Ew mêrxasên bijare, serekên binemalan û rêberên naskirî bûn. Li gorî qeyda ziriyetê, ew bîst û şeş hezar şervan bûn.