Dîrok I, 6 - Kurmanji Încîl

Ziriyeta Lêwiyê kurê Îsraêlê Pêxember

¹ Kurên Lêwî: Gêrşon, Qohat û Mêrarî.

² Kurên Qohat: Emram, Yîshar, Hevron û Ûzziyêl.

³ Kurên Emram: Harûn, Mûsa û Miryem. Kurên Harûn: Nadav, Avîhû, Êlezar û Îtamar.

⁴ Êlezar bavê Pînehas bû. Pînehas bavê Avîşûa bû.

⁵ Avîşûa bavê Bûqî bû. Bûqî bavê Ûzzî bû.

⁶ Ûzzî bavê Zerahya bû. Zerahya bavê Merayot bû.

⁷ Merayot bavê Amarya bû. Amarya bavê Ahîtûv bû.

⁸ Ahîtûv bavê Sadoq bû. Sadoq bavê Ahîmaes bû.

⁹ Ahîmaes bavê Ezarya bû. Ezarya bavê Yohanan bû.

¹⁰ Yohanan bavê Ezarya bû. Wî li Mala ku Silêman li Orşelîmê ava kiribû kahintî dikir.

¹¹ Ezarya bavê Amarya bû. Amarya bavê Ahîtûv bû.

¹² Ahîtûv bavê Sadoq bû. Sadoq bavê Şallûm bû.

¹³ Şallûm bavê Hîlqiya bû. Hîlqiya bavê Ezarya bû.

¹⁴ Ezarya bavê Seraya bû. Seraya bavê Yehosadaq bû.

¹⁵ Çaxê Xudan gelê Cihûda û Orşelîmê bi destê Nebûxadnessar sirgûn kirin, Yehosadaq jî hat sirgûnkirin.

¹⁶ Kurên Lêwî: Gêrşon, Qohat û Mêrarî.

¹⁷ Kurên Gêrşon: Lîvnî û Şîmî.

¹⁸ Kurên Qohat: Emram, Yîshar, Hevron û Ûzziyêl.

¹⁹ Kurên Mêrarî: Mahlî û Mûşî. Binemalên ku li gorî eşîra Lêwî hatin nivîsandin ev in:

²⁰ Ziriyeta Gêrşon: Lîvnî, Yahat, Zîmma,

²¹ Yoah, Îddo, Zerah û Yeateray.

²² Ziriyeta Qohat: Emmînadav, Qorax, Assîr,

²³ Êlqana, Avyasaf, Assîr,

²⁴ Tahat, Ûriyêl, Ûzziya û Şawûl.

²⁵ Kurên din ên Êlqana: Emasay û Ahîmot.

²⁶ Ziriyeta Ahîmot: Êlqana, Sofay, Nahat,

²⁷ Êliyav, Yeroham û Êlqana.

²⁸ Kurên Samûêl: Yoêlê kurê pêşî û Aviyayê kurê diduyan.

²⁹ Ziriyeta Mêrarî: Mahlî, Lîvnî, Şîmî, Ûzza,

³⁰ Şîma, Hagiya û Esaya.

Stranbêjên Perestgehê

³¹ Piştî ku Sindoqa Peymanê gihîşt cihê xwe, stranbêjên ku Dawid li Mala Xudan peywirdar kirin ev bûn.

³² Heta ku Silêman li Orşelîmê Mala Xudan ava kir, wan li ber meskenê Konê Hevdîtinê, bi stranbêjiya xwe xizmet dikirin. Xizmeta xwe li gorî rêbazan dikirin.

³³ Kesên ku bi kurên xwe re xizmet dikirin ev bûn. Ji Qohatiyan: Hêmanê Stranbêjê kurê Yoêl, kurê Samûêl,

³⁴ kurê Êlqana, kurê Yeroham, kurê Êliyêl, kurê Toah,

³⁵ kurê Sûf, kurê Êlqana, kurê Mahat, kurê Emasay,

³⁶ kurê Êlqana, kurê Yoêl, kurê Ezarya, kurê Sefanya,

³⁷ kurê Tahat, kurê Assîr, kurê Avyasaf, kurê Qorax,

³⁸ kurê Yîshar, kurê Qohat, kurê Lêwî, kurê Îsraêl

³⁹ û li aliyê rastê yê wî, merivê wî Asafê kurê Berekya, kurê Şîma,

⁴⁰ kurê Mîxayîl, kurê Baesêya, kurê Malkiya,

⁴¹ kurê Etnî, kurê Zerah, kurê Edaya,

⁴² kurê Êtan, kurê Zîmma, kurê Şîmî,

⁴³ kurê Yahat, kurê Gêrşon, kurê Lêwî.

⁴⁴ Li aliyê çep ê wan merivên wan ên Mêrariyiyan hebûn: Êtanê kurê Qîşî, kurê Evdî, kurê Mallûk,

⁴⁵ Haşavya, kurê Amatsya, kurê Hîlqiya,

⁴⁶ kurê Amsî, kurê Banî, Kurê Şemer,

⁴⁷ kurê Mahlî, kurê Mûşî, kurê Merarî, kurê Lêwî.

⁴⁸ Lêwiyiyên merivên wî hatin peywirdarkirin ku xizmeta meskenê Mala Xwedê bikin.

⁴⁹ Lê Harûn û kurên wî, li gorî her tiştê ku Mûsayê xulamê Xwedê emir kiriye, li ser gorîgeha qurbana şewitandinê û gorîgeha bixûrê pêşkêş kirin û hemû xizmeta Cihê Herî Pîroz kirin ku ji bo gelê Îsraêl kefaretê bidin.

Ziriyeta Harûnê Kahin

⁵⁰ Ziriyeta Harûn: Êlezar, Pînehas, Avîşûa,

⁵¹ Bûqî, Ûzzî, Zerahya,

⁵² Merayot, Amarya, Ahîtûv,

⁵³ Sadoq û Ahîmaes.

Bajarên Lêwiyî lê dijîn

⁵⁴ Li gorî sînoran, warên ku kurên Harûn lê rûdiniştin ev bûn: Binemalên Qohatiyan pişka pêşî stand. Bajarên wan ev bûn:

⁵⁵ Hevrona li welatê Cihûda û mêrgên wê dan wan.

⁵⁶ Lê zevî û gundên bajêr dan Kalêvê kurê Yefûnne.

⁵⁷ Bajarên sitargehê dan kurên Harûn; Hevron, Lîvna û mêrgên wê, Yattîr, Eştemoa û mêrgên wê,

⁵⁸ Hîlên û mêrgên wê, Devîr û mêrgên wê,

⁵⁹ Eşan û mêrgên wê û Bêtşemeş û mêrgên wê.

⁶⁰ Ji eşîra Binyamîn, Geva û mêrgên wê, Elemet û mêrgên wê û Enatot û mêrgên wê dan wan. Hejmara bajarên ku dan binemalên Qohatiyan, sêzdeh bû.

⁶¹ Ji bo Qohatiyên mayî, ji nîveşîra Minaşşeyê bi riya pişkê deh bajar hatin dayîn.

⁶² Li gorî binemalên wan, ji eşîrên Îssexar, Aşêr, Neftelî û ji Minaşşeya li Başanê sêzdeh bajar dan kurên Gêrşon.

⁶³ Li gorî binemalên wan, bi riya pişkê ji eşîrên Rûbên, Gad û Zevûlon duwanzdeh bajar dan Mêrariyiyan.

⁶⁴ Bi vî awayî gelê Îsraêl ew bajar û mêrg dan Lêwiyiyan.

⁶⁵ Herwiha gel ev bajarên ku navê wan hat gotin, ji eşîrên Cihûda, Şimûn û Binyamîn bi riya pişkê dan wan.

⁶⁶ Hinek bajarên binemalên Qohatiyan hebûn ku ji eşîra Efrayîmiyan hatibûn standin.

⁶⁷ Bajarên sitargehê dan wan; Şexem û mêrgên wê yên li herêma çiyayî ya Efrayîmê, Gezer û mêrgên wê,

⁶⁸ Yoqmeam û mêrgên wê, Bêthoron û mêrgên wê,

⁶⁹ Ayalon û mêrgên wê û Gat-Rîmmon û mêrgên wê.

⁷⁰ Ji nîveşîra Minaşşe, Anêr û mêrgên wê û Bîlam û mêrgên wê dan binemalên mayî yên Qohatiyan.

⁷¹ Bajarên ku dan Gêrşoniyan: Ji nîveşîra Minaşşe, Golana Başanê û mêrgên wê û Eştarot û mêrgên wê.

⁷² Ji eşîra Îssexar, Qedeş û mêrgên wê, Daverat û mêrgên wê,

⁷³ Ramot û mêrgên wê û Enêm û mêrgên wê.

⁷⁴ Ji eşîra Aşêr, Maşal û mêrgên wê, Evdon û mêrgên wê,

⁷⁵ Hûqoq û mêrgên wê û Rehov û mêrgên wê.

⁷⁶ Ji eşîra Neftelî, Qedeşa Celîleyê û mêrgên wê, Hammon û mêrgên wê û Qîryatayîm û mêrgên wê.

⁷⁷ Bajarên dan Mêrariyiyên ku Lêwiyiyên mayî ne: Ji eşîra Zevûlon, Rîmmono û mêrgên wê û Tavor û mêrgên wê.

⁷⁸ Li Erîhayê wêdetir, li rojhilatê Çemê Şerîayê, ji eşîra Rûbên, Besera li deştê ye û mêrgên wê, Yahsa û mêrgên wê,

⁷⁹ Qedêmot û mêrgên wê û Mefaet û mêrgên wê.

⁸⁰ Ji eşîra Gad, Ramota li Gîladê û mêrgên wê, Mahanayîm û mêrgên wê,

⁸¹ Heşbon û mêrgên wê û Yazêr û mêrgên wê.