Dîrok I, 4 - Kurmanji Încîl

Ziriyeta Cihûdayê kurê Îsraêlê Pêxember

¹ Kurên Cihûda: Peres, Hesron, Karmî, Hûr û Şoval.

² Reayayê kurê Şoval bavê Yahat bû. Yahat bavê Ahûmay û Lahad bû. Binemalên Sorayî ev bûn.

³ Kurên Êtam ev bûn: Yîzreyêl, Yîşma û Yîdbaş. Navê xwişka wan Hasselelponî bû.

⁴ Penûêl bavê Gedor bû. Êzer bavê Hûşa bû. Ev kurên Hûrê kurê pêşî yê Efratê avakarê Bêtlehemê bûn.

⁵ Du jinên Aşxûrê avakarê Teqoa hebûn: Helah û Naera.

⁶ Naerayê jê re Ahûzzam, Hêfer, Têmenî û Haahaştarî anîn. Ev kurên Naerayê bûn.

⁷ Kurên Helah: Seret, Yîshar, Etnan,

⁸ û Qos bavê Enûv, Sovêva û binemalên Aharhêlê kurê Harûm bû.

⁹ Yabês ji birayên xwe rêzdartir bû. Diya wî gotibû: “Min ew bi êş anî” û navê Yabês lê kir.

¹⁰ Yabês ji Xwedayê Îsraêl lava kir û got: “Bi xweziya ku tu min pîroz bikî, sînorên min fireh bikî, destê te li pişta min be û ji bo ez êşê nekişînim tu min ji xerabiyê biparêzî!” Xwedê her tiştê ku wî xwest da wî.

¹¹ Kelûvê birayê Şûha bû bavê Mehîr. Ew bû bavê Eşton.

¹² Eşton bavê Bêtrafa, Pasêah û Tehînnayê avakarê Îr-Nahaşê bû. Ew ji Rêxayiyan bûn.

¹³ Kurên Qenaz: Otniyêl û Seraya. Kurê Otniyêl: Hatat û Meonotay.

¹⁴ Meonotay bavê Ofra bû. Seraya bû bavê Yoavê avakarê Gê-Haraşîm. Ew hoste bûn.

¹⁵ Kurên Kalêvê kurê Yefûnne: Îrû, Ela, Naem. Kurê Ela: Qenaz.

¹⁶ Kurên Yehallelêl: Zîf, Zîfa, Tîrya û Asarêl.

¹⁷ Kurên Ezra: Yeter, Mered, Êfer û Yalon. Jina wî, Miryem, Şammay û Yîşbahê avakarê Eştemoayê anîn.

¹⁸ Ev kurên Bîtyaya keça Firewn bûn ku Mered ji xwe re anî. Jina wî ya Cihûdayî jê re Yeredê avakarê Gedorê, Heverê avakarê Soxoyê û Yeqûtiyêlê avakarê Zanoahê anîn.

¹⁹ Kurên xwişka Nahama ya jina Hodiya bavkalên van bûn: Garmiyê bavê Qeîla û Eştemoayê Maexayî.

²⁰ Kurên Şimûn: Amnon, Rînna, Ben-Hanan û Tîlon. Kurên Yîşî: Zohêt û Ben-Zohêt.

²¹ Kurên Şêlayê kurê Cihûda: Êrê avakarê Lêxayê, Laedayê avakarê Marêşayê û binemalên ku li Bêtaşbêayê kitanê tenik çêdikirin,

²² Yoqîm, Kozêvayî, Yoaş û Sarafê ku bi jinên Moavî re zewicîn û Yaşuvî-Lehem. Ev qeyd kevin in.

²³ Ew cerçêker û şêniyên Netayîmê û Gedêrayê bûn ku xizmeta padîşah dikir.

Ziriyeta Şimûnê kurê Îsraêlê Pêxember

²⁴ Ziriyeta Şimûn: Nemûêl, Yamîn, Yarîv, Zerah û Şawûl,

²⁵ herwiha Şallûm, Mîvsam û Mîşma.

²⁶ Ziriyeta Mîşma: Hammûêl, Zakkûr û Şîmî.

²⁷ Şanzdeh kur û şeş keçên Şîmî hebûn, lê zêde kurên birayên wî tunebûn. Tu binemaleke wan, bi qasî binemaleke Cihûda zêde nebû.

²⁸ Li Beêr-Şevayê, Moladayê, Hasar-Şûelê,

²⁹ Bîlhayê, Esemê, Toladê,

³⁰ Betûêlê, Hormayê, Zîqlagê,

³¹ Bêtmarkavotê, Hasar-Sûsîmê, Bêtbiriyê û li Şaerayîmê jiyan. Heta Dawid bû padîşah, bajarên wan ev bûn.

³² Herwiha li van pênc gundan jî jiyan: Êtam, Eyîn, Rîmmon, Toxen û Eşan.

³³ Tevahiya gundên li derdora wan bajaran, heta Baalê yên wan bûn. Bajarên wan ev bûn. Wan qeyda ziriyeta wan girt:

³⁴ Meşovav, Yamlêk, Yoşayê kurê Amatsya,

³⁵ Yoêl, Yêhûyê kurê Yoşîvyayê kurê Serayayê kurê Esiyêl,

³⁶ Êlyoênay, Yaeqova, Yeşohaya, Esaya, Ediyêl, Yesîmiyêl, Benaya

³⁷ û Zîzayê kurê Şîfiyê kurê Allonê kurê Yedayayê kurê Şîmriyê kurê Şemaya.

³⁸ Tevahiya van navan, di nav binemalên xwe de serek bûn. Malbatên wan bi têra xwe zêde bûn.

³⁹ Ji bo ku ji pezê xwe re çêre bibînin, nêzîkî Gedorê bûn, heta rojhilatê newalê çûn.

⁴⁰ Mêrgên baş û berdar peyda kirin. Welat berfireh, aram û rihet bû. Çimkî kesên berê li wir diman, ji nifşê Ham bûn.

⁴¹ Ev kesên hanê, di serdema Hîzqiyayê Padîşahê Cihûdayê de hatin. Wan êrîşê konên Hamiyan kir û hemû Meûniyên li wir dijîn kuştin û tune kirin. Paşê li welatên wan rûniştin. Îro jî li wir in. Çimkî li wir, ji bo pezê wan çêre hebû.

⁴² Ji wan, ji eşîra Şimûn pênc sed kes çûn Çiyayê Seîrê. Pelatya, Naerya, Refaya û Ûzziyêlê kurên Yîşî serekên wan bûn.

⁴³ Wan kesên ji Emalêqiyan sax filitîne û reviyane, girtin kuştin. Heta niha jî ew li wir dimînin.