Dîrok I, 2 - Kurmanji Încîl

Kurên Îsraêlê Pêxember

¹ Kurên Îsraêl: Rûbên, Şimûn, Lêwî, Cihûda, Îssexar, Zevûlon,

² Dan, Ûsiv, Binyamîn, Neftelî, Gad û Aşêr.

Ziriyeta Cihûdayê kurê Îsraêlê Pêxember

³ Kurên Cihûda: Êr, Onan û Şêla. Her sê ji keça Şûaya Kenanî çêbûn. Êrê kurê pêşî yê Cihûda, di çavê Xudan de xerab bû, loma Xudan ew kuşt.

⁴ Tamara bûka wî jê re Peres û Zerah anîn. Tevahiya kurên Cihûda pênc in.

⁵ Kurên Peres: Hesron û Hamûl.

⁶ Kurên Zerah: Zîmrî, Êtan, Hêman, Kalkol û Darda. Tevahiya wan pênc kes bûn.

⁷ Kurên Karmî: Exanê ku derbarê tiştên hatin veqetandin de, bi Xudan re nedilsoz bû.

⁸ Kurê Êtan: Ezarya.

⁹ Kurên Hesron: Yerahmeyêl, Ram û Kalêv.

¹⁰ Ram bavê Emmînadav bû. Emmînadav bavê Nahşonê serekê Cihûdayê bû.

¹¹ Nahşon bavê Salma bû. Salma bavê Bowaz bû.

¹² Bowaz bavê Ovêd bû. Ovêd bavê Yêşa bû.

¹³ Heft kurên Yêşa çêbûn: Yê pêşî Êliyav, yê diduyan Avînadav, yê sisêyan Şîma,

¹⁴ yê çaran Natanêl, yê pêncan Radday,

¹⁵ yê şeşan Osem û yê heftan Dawid.

¹⁶ Xwişkên wî Serûya û Avîgayil bûn. Sê kurên Serûyayê hebûn: Avîşay, Yoav û Esahêl.

¹⁷ Avîgayilê Emasa anî. Bavê Emasa, Yeterê Îsmaîlî bû.

¹⁸ Zarokên Kalêvê kurê Hesron ji jinên wî Ezûvayê û Yerîotê çêbûn. Kurên jina wî: Yêşer, Şovav û Ardon.

¹⁹ Piştî ku Ezûva mir, Kalêv ji xwe re Efrat anî û wê jê re Hûr anî.

²⁰ Hûr bavê Ûrî bû. Ûrî bavê Besalêl bû.

²¹ Piştre Hesron bi keça Maxîrê bavê Gîlad re raza. Ew pê re di şêst saliya xwe de zewicî bû. Jinikê Segûv jê re anî.

²² Segûv bavê Yayîr bû. Li welatê Gîladê bîst û sê bajarên wî hebûn.

²³ Lê Geşûr û Aram, bajarên Yayîr û Qenat standin ku 60 gund û bajarokên wan hebûn. Tevahiya wan, ji ziriyeta Maxîrê bavê Gîlad bûn.

²⁴ Piştî ku Hesron li Kalêv-Efratayê mir, Aviyaya jina wî Aşxûrê avakarê Teqoayê jê re anî.

²⁵ Kurên Yerahmeyêlê kurê pêşî yê Hesron: Kurê pêşî Ram, Bûna, Oren, Osem û Ahiya.

²⁶ Jineke din a Yerahmeyêl hebû û navê wê Etara bû. Ew diya Onam bû.

²⁷ Kurên Ramê kurê pêşî yê Yerahmeyêl: Maes, Yamîn û Êqer.

²⁸ Kurên Onam: Şammay û Yade. Kurên Şammay: Nadav û Avîşûr.

²⁹ Navê jina Avîşûr, Avîhayîl bû û wê jê re Ahban û Molîd anîn.

³⁰ Kurên Nadav: Seled û Appayîm. Seled bêzarok mir.

³¹ Kurê Appayîm Yîşî bû. Kurê Yîşî Şêşan bû. Kurê Şêşan Ahlay bû.

³² Kurên Yadeyê birayê Şammay Yeter û Yonatan bûn. Yeter bêzarok mir.

³³ Kurên Yonatan: Pelet û Zaza. Ew ji ziriyeta Yerahmeyêl bûn.

³⁴ Kurên Şêşan tunebûn, tenê keçên wî hebûn. Xulamekî Şêşan ê Misrî hebû û navê wî Yarha bû.

³⁵ Şêşan keça xwe wek jin da xulamê xwe Yarha. Wê jê re Ettay anî.

³⁶ Ettay bavê Natan bû. Natan bavê Zavad bû.

³⁷ Zavad bavê Eflal bû. Eflal bavê Ovêd bû.

³⁸ Ovêd bavê Yêhû bû. Yêhû bavê Ezarya bû.

³⁹ Ezarya bavê Heles bû. Heles bavê Êlesa bû.

⁴⁰ Êlesa bavê Sîsmay bû. Sîsmay bavê Şallûm bû.

⁴¹ Şallûm bavê Yeqamya bû. Yeqamya bavê Êlîşama bû.

⁴² Kurên Kalêvê birayê Yerahmeyêl: Kurê pêşî Mêşa yê avakarê Zîfê û Marêşayê avakarê Hevronê.

⁴³ Kurên Hevron: Qorax, Tappûah, Reqem û Şema.

⁴⁴ Şema bû bavê Yorqoamê bavê Raham û Reqem bû bavê Şammay.

⁴⁵ Maon kurê Şammay û avakarê Bêtsûr bû.

⁴⁶ Eyfaya cariyeya Kalêv, Haran, Mosa û Gazêz anîn û Heran bû bavê Gazêz.

⁴⁷ Kurên Yahday: Regem, Yotam, Gêşan, Pelet, Eyfa û Şaef.

⁴⁸ Maexaya cariyeya din a Kalêv, Şever û Tîrhana anîn.

⁴⁹ Wê Şaefê avakarê Madmannayê û Şewayê avakarê Maxbênayê û Gîvayê jî anîn. Keça Kalêv jî hebû ku navê wê Exsa bû.

⁵⁰ Kurên Kalêv ev bûn: Kurên Hûrê kurê pêşî yê Efrat ev bûn: Şovalê avakarê Qîryat-Yearîmê,

⁵¹ Salmayê avakarê Bêtlehemê û Harêfê avakarê Bêtgadêrê.

⁵² Şovalê avakarê Qîryat-Yearîmê bavê Haroeyiyan û nîvê Menûhotiyan bû.

⁵³ Binemalên Qîryat-Yearîmê: Yattîrî, Pûtî, Şûmatî û Mîşrayî. Ji wan Sorayî û Eştaolî jî zêde bûn.

⁵⁴ Ziriyeta Salma: Bêtlehemî, Netofayî, Etrot-Bêtyoavî, nîvê Manahatî û Sorî.

⁵⁵ Binemalên nivîsendeyên ku li Yabêsê rûdiniştin, ev bûn: Tîratî, Şîmatî û Sûxatî. Ew Qêniyên ji ziriyeta Hammatê bavkalê Mala Rêxav in.