Destpêk 10 - Kurmanji Încîl

Ziriyeta kurên Nûhê Pêxember

¹ Qeyda ziriyetên kurên Nûh, Sam, Ham û Yefet ku piştî tofanê kurên wan çêbûn, ev e:

² Kurên Yefet: Gomer, Magog, Meday, Yewan, Tûval, Meşex û Tîras.

³ Kurên Gomer: Aşkenaz, Rîfat û Togarma.

⁴ Kurên Yewan: Êlîşa, Tarşîş, Kîttîm û Rodanîm.

⁵ Bavkalên mirovên ku li keviyên deryayan dijîn ji wan in. Li welatên xwe li gorî zimanên cuda û di nav miletên xwe de li gorî eşîrên xwe belav bûne.

⁶ Kurên Ham: Kûş, Misrayîm, Pût û Kenan.

⁷ Kurên Kûş: Seva, Hawîla, Savta, Raema û Savtexa. Kurên Raema: Şeva û Dedan.

⁸ Kûş bavê Nemrûd bû. Nemrûd li ser rûyê erdê mêrxasê pêşî bû.

⁹ Ew li pêş Xudan nêçîrvanekî mêrxas bû. Ji ber vê yekê dibêjin: “Wekî Nemrûd nêçîrvanekî mêrxas ê li ber Xudan.”

¹⁰ Di destpêkê de Nemrûd di welatê Şînarê de li Babîl, Erek, Akkad û Kalnêyê padîşahî kir.

¹¹ Ji wir derbasî Aşûrê bû û bajarên Nînewa, Rehovot-Îr, Kalah

¹² û Resen a ku di navbera Nînewa û Kalahê de ye ava kirin. Kalah jî bajarekî mezin bû.

¹³ Misrayîm bavkalê Lûdiyan, Enamiyan, Lehaviyan, Naftûhiyan,

¹⁴ Patrûsiyan, Kaslûhiyan û Kaftoriyan bû. Filîstî ji Kaslûhiyan hatin.

¹⁵ Kenan bavê Sîdonê nixuriyê xwe û Hît bû.

¹⁶ Herwiha ew bavê Yevûsiyan, Amoriyan, Gîrgaşiyan,

¹⁷ Hîwiyan, Erqiyan, Sîniyan,

¹⁸ Arwadiyan, Semariyan û Hamayiyan bû. Piştre binemalên Kenaniyan belav bûn.

¹⁹ Sînorê Kenaniyan ji Saydayê heta Gerara û Xezayê û ji wê jî heta Sodom û Gomora, Adma û ber bi Sevoyîmê ve heta Laşayê fireh bû.

²⁰ Kurên Ham ên ku li welatên xwe û di nav miletên xwe de li gorî binemal û zimanên cuda belav bûne ew in.

²¹ Kurên Sam jî çêbûn. Sam kekê Yefet û bavkalê hemû ziriyeta Êver bû.

²² Kurên Sam: Elam, Aşûr, Arpexşad, Lûd û Aram.

²³ Kurên Aram: Ûs, Hûl, Geter û Maş.

²⁴ Arpexşad bavê Şelah bû. Şelah bavê Êver bû.

²⁵ Du kur ji Êver re çêbûn. Navê yekî Pêlêg bû, çimkî di dema wî de mirov li ser rûyê erdê belav bûn. Navê birayê wî Yoqtan bû.

²⁶ Yoqtan bavê Almodad, Şelef, Hasar-Mawet, Yarah,

²⁷ Hadoram, Ûzal, Dîqla,

²⁸ Oval, Avîmaêl, Şeva,

²⁹ Ofîr, Hawîla û Yovav bû. Ev hemû ji ziriyeta Yoqtan bûn.

³⁰ Herêma ku ew lê dijiyan, ji Mêşayê heta Sefara li herêma çiyayî ya rojhilat fireh dibû.

³¹ Kurên Sam ên ku li welatên xwe û di nav miletên xwe de li gorî binemal û zimanên cuda belav bûbûn, ev in.

³² Di nav miletên xwe de, li gorî qeydên xwe, ziriyetên kurên Nûh ev in. Hemû mirovên ku piştî tofanê li ser rûyê erdê belav bûne, ji wan in.