Nyimbo 79 - Bhukhu la Kuyamba

Pemphelo lakuchiziwa kwadziko

Nyimbo ya Asafi.

¹ Imwe Mulungu, wanthu wakunja apita munthaka yanu! Apsipisa Tembele yanu yakuyela, achita Jerusalema yawa mathele.

² Apeleka bzitanda bzaalanda wanu, kukhala chakudya chambalami zaan'dzulu, nyama yawakuyela wanu kubzilombo bzadziko.

³ Ataya gazi lawo ninga madzi, kuzungunuka Jerusalemu yentse, pakhalibe nyakuwayikha.

⁴ Takhala wakunyozewa naanzathu, kunyombewa nakusekewa naawo adatizunguka.

⁵ Ko kufika lini, imwe Chawuta? Ko mukhale nawukali kufika lini nalini? Ko nchanje yanu intogaka ninga moto?

⁶ Thululilani ukali wanu kwawanthu wakunja ansaya kukudziwani, nakuwumambo uzinji unsaya kuchemela dzina lanu!

⁷ Pakuti ameza Jakobho, achicheneka mbuto yake.

⁸ Lekani kutikumbukila bzakuyipa bzathu bzakale! Chifundo chanu chikulumize kugumana nayise, pakuti tabwezewa pantsi kwene-kwene.

⁹ Tithandizeni, imwe Mulungu wachipulumuso chathu! Kuchitila mbili yadzina lanu; tichizeni, mugwanile bzakuyipa bzathu!

¹⁰ Thangwe lanyi wanthu wakunja anilewa kuti, Mulungu wawo ali kuponi? Lekani kubwezela kutaya gazi laalanda wanu, kudziwike kwawanthu wakunja, pamaso pathu!

¹¹ Lekani kubuwula kwaakayidi kufike pamaso panu; kuteyeza janja lanu likulu, siyankoni awo adatongelewa impfa!

¹² Bwezelani kadapetewa kanomwe kwaanzathu, kunyoza kwaakhakunyozani, imwe Mfumu!

¹³ Pamwepo ise wanthu wanu, mabila yamwakudyesela mwanu, tin'zakutendani kufika lini nalini; kuchoka kum'badwe kufika kum'babwe, tin'zalewa madumbizo yanu.