Nyimbo 58 - Bhukhu la Kuyamba

Mulungu anilanga wentse antaza

Kwanyakuyimbisa kuteyeza Leka Kuphwanya. Mikitami ya Dhaveti

¹ Ko imwe atongi mukulewa-lewa chilungamo? Ko muntonga wanthu wentse mwakukonkholoka?

² Nee, mumitima yanu munkumbuka bzakuyipa basi, manja yanu yan'chita bzankhondo padziko lapantsi.

³ Wakuyipa ampatuka achindoti chokeni m'mimba, achindoti badweni aniyamba kulewa magunkha.

⁴ Ana ululu ninga ululu wanyoka, ninga nyakhungu, ansaya kufuna kubva.

⁵ Anibva lini ne fala laanyakufuwa nyoka, ne wakuchenjela tani.

⁶ Imwe Mulungu, gululani mano nkamwa mwawo! Imwe Chawuta, gululani mano matali yawana wamphondolo!

⁷ Ngaanyangalike ninga madzi yakuyelela, ngaapondewe-pondewe ninga upsa uli munjila.

⁸ Ngaachoke manenda pakufamba ninga nkhono, panango kuchita ninga mwana wanthayo ansaya kuwona dzuwa.

⁹ Bzikalango bzanu bzikanati bzabva moto wantyontyo zaminga, ziwisi panango zakuwuma Mulungu ngaazipsayile.

¹⁰ Wakulungama an'zakondwa paan'zawona kubwezela, an'zasamba nzayo zake mugazi lawakuyipa.

¹¹ Wanthu an'zati, chadidi-chadidi wanthu wakulungama ampagaliwa. Chadidi pana Mulungu, antonga padziko lapantsi.