Nyimbo 24 - Bhukhu la Kuyamba

Nyimbo ya Dhaveti

¹ Dziko nabzentse bzidadzalamo m'bza Chawuta, dziko nawanthu wentse ali m'mwemo m'bza Chawuta.

² Pakuti iye adalimangila panyanja, pakamadzi, adalikhazika.

³ Mbani angakwile paphili la Chawuta? Mbani angayime pambuto yake yakuyela?

⁴ Munthu wamanja yalibe mulandu nawantima ulibe katsa, ansaya kunama, panango kulumbila bzamagunkha,

⁵ an'zatambila daliso kuchoka kwa Chawuta, nachilungamo kuchoka kwa Mulungu wachipulumuso chake.

⁶ Uwu ndiwo m'badwe waanimupsaga, ampsaga nkhope yako, Jakobho. Selah.

⁷ Sumusani misolo yanu, imwe misuwo! Sumusikani, imwe bzitseko bzakale, kuti mambo wandemela apite!

⁸ Ko nimponi uyu mambo wandemela? Chawuta wakulimba nawamphamvu, Chawuta wamphamvu munkhondo!

⁹ Sumusani misolo yanu, imwe misuwo! Sumusani, imwe bzitseko bzakale, kuti mambo wandemela apite!

¹⁰ Ko nimponi uyu mambo wandemela? Chawuta waanyankhondo, iye ndiye mambo wa Ndemela! Selah.