Nyimbo 11 - Bhukhu la Kuyamba

Kwanyakuyimbisa. (Nyimbo) ya Dhaveti.

¹ Nimpotela mwa Chawuta, ko thangwe lanyi unti kwayine, mbululuka bzin'chita mbalami uyende kumapili,

² pakuti wonani wakuyipa akoka kale utati wawo, ayikha kale misewe yawo pathambo, kuti alase mun'dima, wanthu wakukonkholoka muntima.

³ Ko matsinde yakaphwanyika, wanthu wakulungama an'chita tani?

⁴ Chawuta ali mu Tembele yake iniyela, Chawuta kudzulu ndiko kuna mpando wake. Maso yake yaniwona, bzikope bzake bziniyesa wana wawanthu.

⁵ Chawuta aniyesa wakulungama nawakuyipa, uyo anfuna bzandewo, n'zimu wa Chawuta un'zonda.

⁶ Am'bvumbisila wakuyipa masimbe yamoto naminyala yasalufa, mphepo intentha ichizakhala mpfupo yankombo wawo.

⁷ Pakuti Chawuta niwakulungama anfuna mabasa yachilungamo, wakukonkholoka an'zawona nkhope yake.