Kuyamba 36 - Bhukhu la Kuyamba

M'badwe wa Esau

¹ Uwu ndiwo m'badwe wa Esau uyo akhachemelewa kuti Edhomu.

² Esau adaloola akazi wachi Kenani, Adha mwana wachikazi wa Eloni mu Hiti, na Oholibhama mwana wachikazi wa Ana, mwana wachikazi wa Zibhiyoni mu Hivi,

³ na Bhasemati mwana wachikazi wa Ishimayeli, nana wa Nebhayoti.

⁴ Adha adabalila Esau, Elifazi; Bhasemati adabala Rueli;

⁵ Oholibhama adabala Jewushi na Jalamu na Khora. Awa ndiwo wana wa Esau waadabaliliwa paakhali mudziko la Kenani.

⁶ Pamwepo Esau adatakula azikazi wake, wana wake wachimuna nawachikazi, nawanthu wentse wamunyumba mwake, nabzifuwo bzake, nachuma chake chentse chaadawona mudziko la Kenani, nkuyenda kutali nankulu wake Jakobho.

⁷ Pakuti iwo akhana chuma nabzifuwo bzizinji, bzikhakwanisika lini kuti akhale pabodzi.

⁸ Esau adakhala mudziko lamapili mu Seiri; Esau an'chemelewa pomwe kuti Edhomu.

⁹ Uwu ndiwo m'badwe wa Esau, apayi waa Edhomu awo akhakhala mudziko lamapili la Seiri.

¹⁰ Aya ndiyo madzina yawana wa Esau: Elifazi mwana wa Adha nkazi wa Esau, Rueli mwana wachimuna wa Bhasemati nkazi wa Esau.

¹¹ Wana wa Elifazi akhali, Themani na Omari na Zefo na Gatamu na Kenazi.

¹² Thimina akhali nkazi wapambali wa Elifazi, mwana wachimuna wa Esau. Iye adabalila Elifazi mwana wachimuna waadapasa dzina lakuti Amaleki. Awa ndiwo wana wachimuna wa Adha nkazi wa Esau.

¹³ Awa ndiwo wana wa Rueli: Nahati na Zera na Shama na Miza. Awa ndiwo wana wachimuna wa Bhasemati nkazi wa Esau.

¹⁴ Awa ndiwo wana wa Oholibhama mwana wachikazi wa Ana, mwana wachimuna wa Zibheyoni, nkazi wa Esau. Adabalila Esau Jehushi na Jalamu na Khora.

¹⁵ Aya ndiyo mazimambo yawana wa Esau. Wana wachimuna wa Elifazi, mwana wakuyamba wa Esau: mambo Temani na Omari kuchizabwela Zefo na Kenazi

¹⁶ na Khora na Gatamu na Amaleki. Aya ndiyo mazimambo yadabadwa na Elifazi mudziko la Edhomu; akhali wana wachimuna wa Adha.

¹⁷ Awa ndiwo wana wachimuna wa Rueli, mwana wa Esau: mambo Nahati na Zera na Shama na Miza; aya ndiyo mazimambo ya Rueli mudziko la Edhomu; akhali wana wa Bhasemati nkazi wa Esau.

¹⁸ Awa ndiwo wana wachimuna wa Oholibhama nkazi wa Esau: mambo Jewushi na Jalamu na Khora; aya ndiyo mazimambo yadabadwa na Oholibhamu mwana wachikazi wa Ana, nkazi wa Esau.

¹⁹ Awa ndiwo wana wachimuna wa Esau (uyo akhachemelewa pomwe kuti Edhomu), awa akhali mazimambo yawo.

M'badwe wa Seiri

²⁰ Awa akhali wana wachimuna wa Seiri mu Hori, akhakhala mudziko limwelo; pakhana Lotani na Shobhali na Zibheyoni na Ana

²¹ na Dhishoni na Ezeri na Dhishani; aya yakhali mazimambo yaa Hori, wana wachimuna wa Seiri wamudziko la Edhomu.

²² Wana wa Lotani akhali, Hori na Hemani; nana wa Lotani akhali Thimina.

²³ Awa ndiwo akhali wana wachimuna wa Shobhali: Alivani na Manahati na Ebhali na Shefo na Onami.

²⁴ Awa ndiwo wana wachimuna wa Zibheyoni: Ayiya na Ana; ndiye Ana ule adawona ntsantsa zamadzi yakupsa muchipululu, paakhabusa madhonki yaapayi wake Zibheyoni.

²⁵ Ana adabala wana awili Dhishoni na Oholibhama.

²⁶ Awa ndiwo wana wa Dhishoni: Hemudhani na Eshibhani na Itirani na Kerani.

²⁷ Awa ndiwo wana wachimuna wa Ezeri: Bhilihani na Zaavani na Akani.

²⁸ Awa ndiwo wana wachimuna wa Dhishani: Uzi na Arani.

²⁹ Aya ndiyo mazimambo yaa Hori: mambo Lotani na Shobhali na Zibheyoni na Ana,

³⁰ na Dhishoni na Ezeri na Dhishani; aya ndiyo mazimambo yaa Hori, kuteyeza madzinza yawo wamudziko la Seiri.

Mazimambo yamu Edhomu

³¹ Aya ndiyo mazimambo yadatonga mudziko la Edhomu, a Izraeli anati awa namambo.

³² Bhela mwana wachimuna wa Bheyori adatonga mu Edhomu. Dzina laguta laakhatonga likhachemelela kuti Dhinihabha.

³³ Bhela adafa, Jobhabhu mwana wachimuna wa Zera waku Bhozira ndiye adazatonga pambuto yake.

³⁴ Jobhabhu adafa, Hushani wakudziko la Temani ndiye adazatonga pambuto yake.

³⁵ Hushani adafa, Hadhadhi mwana wachimuna wa Bhedhadhi uyo adakunda a Midhiyani mudziko la Moabhi adatonga pambuto yake, dzina laguta laakhatonga likhachemelewa kuti Aviti.

³⁶ Hadhadhi adafa, Samila waku Masireka adatonga pambuto yake.

³⁷ Samila adafa, Shaulo waku Rehobhoti ku Ufuretesi ndiye adatonga pambuto yake.

³⁸ Shauli adafa, Bhaali-hanani mwana wachimuna wa Akibhori adatonga pambuto yake.

³⁹ Bhaali-hanani mwana wachimuna wa Akibhori adafa, Hadhari adatonga pambuto yake. Dzina laguta laakhatonga likhachemelewa kuti Pawu; nkazi wake akhachemelewa nadzina lakuti Mahetabheli, mwana wachikazi wa Matiredhi, mwana wachikazi wa Mezahabhi.

⁴⁰ Aya ndiyo madzina yamazimambo ya Esau, kuteyeza mabanja yawo nambuto zaakhakhala, namadzina yawo: mambo Timuna na Aliva na Jeteti

⁴¹ na Oholibhama na Elahi na Pinoni

⁴² na Kenazi na Temani na Mibhizari na

⁴³ Magidhiyeli na Iramu; aya ndiyo mazimambo ya Edhomu, (uyo akhachemelewa pomwe kuti Esau, apayi wa Edhomu), kuteyeza mbuto zaakhakhala mudziko lawo.