3 Jɔnn 1 - UWONBƆR A GBƆNPƆŊ LIKƆƆNL

¹ Min uninkpelin, Le sɔb kugbɔŋ nan ki tenn n jɔ Gayɔsi, wan wee n jiɛ u nin ibamɔn ni.

² N jɔ, n miɛ Uwonbɔr le a li jiɛn nbamɔm wee niwann biɛn li ŋan ki seiŋ, ke a naaŋ kaah be ni ŋan man nin.

³ Ni ŋaam nmɔn pam, nin nnabum biba kaah nan dan ki nan beim ŋaah ŋa yada nin ibamɔn man nin ŋaah gbaa choo nin ibamɔn man.

⁴ Maa jɔɔ npopeen niba bu ki lagir nin maah gbir ke n buwaab nɔɔ ibamɔn a samin ni.

Baah pag Gayɔsi man

⁵ N nabig, a jɔɔ yada nin ŋaah tun nan ki tenn nnabumin, hali nin baah le ye bicham a ban nin na.

⁶ Bi bei biwonjiɛm a laguŋ ŋaah jiɛ bi man na. Pɔɔn a ba ki ter bi wee bin chonn bi sanchonl, nan li gbee Uwonbɔr a num.

⁷ Masiya a yinl bu le bi nan nyan, amaa kaa kan niba a teril ban kaa ye biwonjiɛmin ban ni.

⁸ Mambu ni kpaa le nin ti gaa bininfob nmɔn kuchɔŋ wee ti lagin tun nin ibamɔn.

Diyotirifisi nin Dimitirusi a bɔr

⁹ N nan sɔb sei biwonjiɛm a laguŋin na, amaa Diyotirifisi, wan ban u li ye usanliirin, kaa chee un gbir sei ti.

¹⁰ Ni bu ni ye n dan ke, n li wɔɔn waah tun nan, u su ti bɔɔn le ki gbii ti bu. U num kaah kaa la gbee waah tun nan nin, le u nan yii kaa poor nnabumin ni, le ki ji gɔɔ ban ban bin poor bin ki ŋɔɔr bi nyan biwonjiɛm a laguŋin.

¹¹ N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.

¹² Bininfob biɛn pag Dimitirusi u, hali nin ibamɔn nin tɔɔla. Ti tɔɔl pag wa, le ni nyi ke ti siɛra nmɔn ye ibamɔn le.

Ipoor yan joor

¹³ N jɔɔ tibɔr takpem n sɔb seiŋ, amaa maa ban n ta kugbɔŋ nin ngbansɔbmɔɔn ki sɔbi.

¹⁴ N jɔɔ tama ke naa li yuuri n li kaŋ nin binum wee ti pag sei tab. Nposɔɔn li be niŋ. Ti jɔtiib ban be do poorin. Poor ti jɔtiib ban be niin nin na nin bi yin.