1 Korenti 10 - UWONBƆR A GBƆNPƆŊ LIKƆƆNL

Ibawol a manim a bɔr

¹ N nabum maa ban ni laa nyi ibamɔn nni, ke ti yaajam biɛn nan lagin be kitilangbɔŋ a lɔŋin le, ki lagin don limɔgil.

² Bi nan fun bi nnyum le ke kitilangbɔŋ kaah nan piin Moziz bu nin baah nan tan don limɔgilin man ni.

³ Bi biɛn nan lagin jin kinaaŋ a jiir nna,

⁴ ki ji nan lagin nyun kinaaŋ a nnyumin; bi nan nyun nnyum man nan nyan kinaaŋ a tangbapiig kan nɔɔn bi nle, kutangbapiig nmɔn nan ye Masiya le.

⁵ Ni biɛn yɔli, Uwonbɔr a sufu kaa nan sɔɔn bi ni takpem bu! Le bi nan kpo ki yal dɔ dɔ kukunkɔɔg bu.

⁶ Tibɔr tan be nan ye limagil le ki sei ti, ke ti laa tiɛr nan bir ke baah nan be man nni.

⁷ Ni laa nɔɔ itingban ke bi ni bibam kaah nan ŋaan man nni, ni sɔb Uwonbɔr a gbɔŋin ke, “Bininfobin nan kal le ki jin ki nyun, le ki fii ki gel itingban.”

⁸ Ti laa tun iwanjaab toon ke bi ni bibam kaah nan tun man nni, wee weemba daal bininfob turpilee nin bita nan kpo nni.

⁹ Ti laa mag Uyudaan ni, ke bi ni bibam kaah nan bigin U man wee iwaalab nan junn bi ku nni.

¹⁰ Ni laa ŋulin ni, ke bi ni bibam kaah nan ŋulin man wee nkum a malaka nan dan ki nan ku bi nni.

¹¹ Ni niɛ nan biɛn nan tun ki ye limagil le ki sei bi, ni nan ye ikpaan le ki sɔb dɔ ki sei tim ban nan joor bɔɔn dulinya nan a diɛmin.

¹² Ni bu wan nyi ke u si nbamɔm ke, un choo u bau wee ki laa lu.

¹³ Nbigim le kaa be ki nyaŋ ni see nbigim man be nin uninfosaal biɛn n yaa binba. Uwonbɔr ye u bamɔndaan le, waa li che nbigim n foon ni ban ki jo ni pɔɔm a tarigi. Amaa ni ye nbigim foon ni ban ke, u ji li fir naan nsan ki sei ni wee ni nɔɔ nya ki mann sir mi bu.

¹⁴ Man bu n jɔtiib, ni nyan ni ba libawol manilin na.

¹⁵ N pag tenn bilandam le, ni mu n tug ki jiin nan wee n pag nan paam ma.

¹⁶ Naa ye kiyiinyɔɔg kan wee ti tenn Uwonbɔr kunɔɔpoog wee ki nyu ki poolin ni ye Masiya a cham lee? Boroboro kan wee ti war war ki ŋman ni, kaa ye Masiya a gbanann lee?

¹⁷ Ni ye boroboro konl liba le, amaa tim yaba, le ki lagin ki ŋa gbanann tiba, nan bu-n taah lagin ki ŋman boroboro konl liba n bu.

¹⁸ Lig Iziral yaab: Naa ye bi ma lagin ki ŋma kumanug a nann tan wee bi mann libinbinl bu nna?

¹⁹ Ke n wɔɔn ke kumanug ye niba lee, bee libawol ye niba lee?

²⁰ Aai kumanug kan wee ban kaa ye biwonjiɛm mann ni, bi mann tenn nnaanbiim le amaa naa ye Uwonbɔr i, n mu kaa ban ni li mann ki tenn nnaanbiimi.

²¹ Naa li fir nyu Uyudaan a yiinyɔɔgin, ki jin nyu nnaanbiim a yiinyɔɔgin ni. Naa li fir ji Uyudaan a jiir wee ki ji nnaanbiim a jiiri.

²² Ti ban ti fiin ti Yudaau a piiponl lee? Ti pɔɔ ki jon u waa?

²³ Ni ni biba len ke, “Niwann biɛn kaa kɔ” amaa naa ye niwann biɛn le jɔɔ tinyɔɔri. “Niwann biɛn kaa kɔ” amaa naa ye niwann biɛn le jɔɔ literili.

²⁴ Laa tun ki jiin a baantɔɔl a bam bu, amaa li tun ki jiin a tab a ŋam bu.

²⁵ Li ŋma tinann tan wee bi kɔɔr kinyaŋin na, wee ki laa baan ibinbaan yan li mugir a potiɛli,

²⁶ “Uyudaan le ye kutingbɔŋ nan nin niwann nan biɛn be ki yaan.”

²⁷ Wan kaa ye uwonjiɛn baaniŋ tijiir wee a yin ji ke, li ji nan biɛn wee u ta siin nna ki laa baan ibinbaan yan li mugir a potiɛli.

²⁸ Amaa ni ye uba beiŋ ke, “N mann libawol le ke,” ni ye man ke a laa ji, nan bu-n uninfo wan beiŋ man nbu nin u potiɛl a mugil bu,

²⁹ uninfo u miɛnin a potiɛl bu le n pag nan, naa ye fin ni. Ni bi yin ŋa nii wee n wiib a binbem nmugir uba a potiɛlaa?

³⁰ Ni ye n sei Uwonbɔr kunɔɔpoog n jiirin bu ke, ni yin ŋa niin wee uba n pag ki bii n yinl tijiir tan bu wee n sei Uwonbɔr kunɔɔpoog n buu?

³¹ Ni ye ni jin, bee ni nyun bee ni ŋa nan biɛn ke, ni che nin don Uwonbɔr a yinl.

³² Ni laa che uba nlu waah ye Juu a ninfou, bee Girig a ninfou, bee uwonjiɛn ni.

³³ Hali nin maah ban uninfo biɛn a num n gbeem nin niwann biɛn nin ni. Maa gbaar ban n yaa binba a ŋam bu amaa n gbaar ban bininfob biɛn a ŋam bu le, naah li ŋa man wee bin kan nŋmarim.