Nehemiya 12 - Kutsingken Ira Rimam ti Saen Kyag

Rinyi Akwen ti Anyisu Lawi

¹ Ayine si rinyi akwen ti anyisu Lawi ti ru ye uwae rikaen apyi ba. Aba te Zerubabel umbae Sheyatiyel ti te Jeshuwa, kukwen tiyang, ba tetso. Seraya, Irimiya, ti Ezra.

² Amariya, Maluki, ti Hatushi.

³ Shekaniya, Rehum, ti Meremoti.

⁴ Ido, Ginetoyi, ti Abija.

⁵ Mijamin, Ma-adiya, ti Bilga.

⁶ Shemayiya, Joyarib, ti Jedaya.

⁷ Salu, Amoki, Hilikiya, ti Jedaya. Ande bane si ande ti uwe na akwen ti rishi-ba kiye na Jeshuwa.

⁸ Rinyi anyisu Lawi ta re: Jeshuwa, Binuyi, ti Kadimiyel, ti Sherebiya, Yawuda, ti Mataniya. Mataniya ti rishi-wu aba ti ku yang akyang fxaefa.

⁹ Ande ti ku ye nwunn ande ti ku cwe akyang si ande ti ku ye nwunn ande ti ku cwe akyang: Bagbukiya, Uno, ti rishi-ba.

Rishi Jeshuwa Kukwen Tiyang

¹⁰ Jeshuwa si itse Jowakim, Jowakim si itse Eliyashib, Eliashib si itse Joyada,

¹¹ Joyada si itse Jonatan, ama Jonatan si itse Yaduwa.

Ande ti Risu Umyaem Akwen

¹² Kiye ti Jowakim si kukwen tiyang, akwen bane si ande ti ta risu umyaem umyaem na akwen. Meraya ta risu umyaem na Seraya. Hananiya ta risu umyaem na Irimiya.

¹³ Meshulam ta risu umyaem na Ezra. Jehohana ta risu umyaem na Amariya.

¹⁴ Jonatan ta risu umyaem na Maluki. Yusufu ta risu umyaem na Shebaniya.

¹⁵ Adina ta risu na Harim. Helikayi ta risu umyaem na Merayiyot.

¹⁶ Zekariya ta risu na Ido. Meshulam ta risu na Gineton.

¹⁷ Zikiri ta risu umyaem na Abija. Pilitayi ta risu umyaem Miniyami ti Mowadiya.

¹⁸ Shamuwa ta risu na Bilga. Yehonatan ta risu umyaem na Shemayiya.

¹⁹ Matenayi ta risu Joyarib. Uzi ta risu umyaem na Jedaya.

²⁰ Kalayi ta risu umyaem na Salu. Eber ta risu Amoki.

²¹ Hashabiya ta risu Hilikiya. Netanel ta risu Jedaya.

Iken ti a Bae Risu Ishikununn Akwen ti ana Anyisu Lawi

²² Kiye na akwen tiyang bane, Eliyashib, Joyada, Johanan, ti Yaduwa, a bae ira risu ande ti ta risu ishikununn anyisu Lawi ti ishikununn akwen. A bae mam ira ayine kiye ti Dariyusi si ukwe na uten Pasiya.

²³ A bae ira risu ande ti ta risu ashi kununn anyisu Lawi si uwae kutsingken kuci. A bae kuci wune bag ti kucang ba kwer ti kiye na Johanan ti si rishi Eliyashib.

Wande ti a Kan yi Uwae Kusog Rimam Tiyang

²⁴ Ande ti uwe na anyisu Lawi bane si: Hashabiya, Sherebiya, Jeshuwa, Binuyi ti Kadimiyel. Ama a katsen atso kumbub ifaen. Kumbub kinjo ku yang akyang ku nde na Rimam fxaefa. Kumbub ti ifaen ama ku cwucwe pangma ti unde Rimam, ukwe Dawuda, bae tsi.

²⁵ Mataniya, Bagbukiya, Obadiya, Meshulam, Talmon, ti Akub, abane si ande ti ku kyir ande ti ku nungkyi asog ti a ku pu isu tsi atang, ti a mbye yi tsi fer ufu ufu ti ku sang yi kusog Rimam.

²⁶ Ande bane ta atang kiye na Jowakim umbae Jeshuwa umbae Jozadak, ti kiye na Gomna Nehemiya, ti kiye na Ezra, ti si kukwen ti ku kwen na ande icwe Rimam.

Nehemiya Yerkob Ukoh Urushelima

²⁷ Kiye ti a sa ukoh uten ti Urushelima, na Rimam, a sha kyae anyisu Lawi ru ko aka ba atang. Aba na ba ren risu ti a na nde ukwab ikyaen ukoh wu ti a u nda Rimam. Aba na ba ti akyang fxaefa ti kwercicag, ti kufa ti a ku byinn fa akyang yi ti utob ti tsen.

²⁸ Itaen ti ku yang akyang ti ta uwae iten ti pakob Urushelima, ti iten ti nae pakob Netofa,

²⁹ ti aba ti ru ye Bet Gilgal, ti ande ti ta ice Geba ti Azimaveti. Ikyaen ti, itaen ti ku yang akyang mbye na pu ba ijwe-ba iten ti pakob Urushelima.

³⁰ Aba akwen ti anyisu Lawi jwo saen ijwe-ba ti ande ti tsitsi, ti ifu yi, ti ukoh na uten wu.

³¹ Ame byir ande ti uwe na Yawuda yi risu ukoh wu, ama u pu ande ti ku yang akyang kumbub ifaen tsi ti a na ceb ku ru, ku nde na Rimam fxaefa. Kumbub ti tawe ru kujwo rici ukoh ka tsi Ufu Kanjag.

³² Hoshaya ceb putsa isim-ba, ama ande ti ku yang akyang ba, ripye ande ti uwe na Yawuda putsa.

³³ Akwen ti ceb putsa si Azariya, Ezra, Meshulam,

³⁴ Yawuda, Benjamin, Shemayiya, ti Irimiya.

³⁵ Ama Zekariya, umbae Jonatan ti si umbae Shemayiya putsa ba. Itse Shemayiya wu si Mataniya umbae Mikaya ti si umbae Zakur, ti si umbae Asaf.

³⁶ Ande ti umyaem Zakariya wu ti tsitsi putsa wu. Aba si Shemayiya, Azareli, Milalayi, Gilalayi, Mayi, Netanel, Yawuda, ti Hanani. Meme bane ye su iken ti a ku byinn ku se ise te yi, ti si ana Ukwe Dawuda, unde Rimam. Ezra unde ti ku kwen na ande icwe tae kumbub wune uwae ikyin ti a kyang ku ru.

³⁷ Yi Ufu Ambyi aba tso putsa yi kufkan kufkan yi uten na Dawuda. Aba nyaetsa kununn Ukwe Dawuda, ama u kafe ba ti Ufu Ambyi yi usir ti kiskinn na uten wu.

³⁸ Kumbub iki uwae-ba ti ku nda fxaefa ru yi kujwo ife yi risu ukoh wu, ama ame putsa kumbub ti ifaen. Ati ceb nyaetsa kusog kupèm ti rikob ti a ku fxab buredi atang ru ka ti Ukoh ti Riyaen.

³⁹ Ati nwunn atang u kyang nyaetsa Ufu Efiremu, ti Ufu Jeshana, ti Ufu Iwag ti Kitaen-kujwén na Hananel, ti Kitaen-kujwén na Ukob Kinjo ka ti Ufu Iwentam. Ati ba kya tsi ufu ti ande ti ku kir kusog Rimam ta atang.

⁴⁰ Tiri meme kumbub yi ti ku nde na Rimam fxaefa ka sang uwae kusog Rimam. Ripye ande ti uwe te m ta tetso.

⁴¹ Akwen ti ku kunn kutumu si Eliyakim, Maseya, Miniyami, Mikaya, Eliyonayi, Zekariya, ti Hananiya.

⁴² Ama Maseya, Shemayiya, Eleyazar, Uzi, Jehohana, Malikiya, Elam, ti Ezer putsa ba. Jezi-rahiya tae ande ti yang akyang.

⁴³ Usir wu, a twen ikentitwen yang-yi akwen, ama ande munn te utob titsen ikyaen ti Rimam nda a tsen utob timambe. Anda ti anyisu tsen utob. A fxen ashwu ti kam-ba ko aka meme.

A Pu Iken ti a ku Fen Rimam te yi Ba Kusog Rimam

⁴⁴ Yi kiye wu a pu ande tsi risu asog ti a byir isu ti a kwer ba kusog Rimam tsi atang ti usen wuci ti a tu risaen afang. Ande bane ti ku mbe iken yi risaen ti ta fer iten yi. Iken ayine si iken ti a u ndeya akwen ti anyisu Lawi atang pangma ti icwe ri. Meme ande ti Yawuda saen utob te akwen ti anyisu Lawi.

⁴⁵ Ama aba fen Rimam u jwosaen ijwe-ba, fa ti isu ti tsi kusog Rimam. Ande ti ku yang akyang, ti ande ti ku kir kusog Rimam nde ti mbwe-yi u ku putsa icwe ti Ukwe Dawuda ti umbae-wu Solomon sa tsi.

⁴⁶ Ti kiye Ukwe Dawuda ti Asaf ande ti uwe na akyang ta atang, ama a ku yang akyang ti teb ti akyang kufxaefa na Rimam.

⁴⁷ Yi kiye na Zerubabel ti Nehemiya, meme ande na Isirela ku sa ba rinyangwae ko kiye titini ikyaen ititindeya na ande ti ku yang akyang ti ande ti ku kir kusog Rimam. Ande ku ba sa rinyangwae na anyisu Lawi, ama anyisu Lawi ku sa kutunn anyisu Aruna na ba.