Nehemiya 10 - Kutsingken Ira Rimam ti Saen Kyag

¹ Unde ti tawe kwa kujwo si Gomna, Nehemiya umbae Hakaliya, ti Zedekiya, ama ande ti kwá ajwo putsa ta re:

² Yi ishikununn akwen si: Seraya, Azariya, Irimiya,

³ Pashur, Amariya, Malikiya,

⁴ Hatushi, Shebaniya, Maluki,

⁵ Harim, Meremoti, Obadiya,

⁶ Daniyel, Gineton, Baruk,

⁷ Meshulam, Abija, Mijamin,

⁸ Ma-aziya, Biligayi, ti Shemayiya.

⁹ Anyisu Lawi ti kwa kujwo ama ta re: Jeshuwa umbae Azaniya, Binuyi umyaem Henada, ti Kadimiyel,

¹⁰ Shebaniya, Hodiya, Kelita, Peleya, Hanan,

¹¹ Mika, Rehob, Hashabiya,

¹² Zakur, Sherebiya, Shebaniya,

¹³ Hodiya, Bani, ti Beninu.

¹⁴ Ande ti uwe ba ti kwa kujwo ama si: Paroshi, Pahati-Mowab, Elam, Zatu, Bani,

¹⁵ Buni, Azigadi, Bebayi,

¹⁶ Adonija, Bigivayi, Adin,

¹⁷ Ater, Hezekiya, Azur,

¹⁸ Hodiya, Hashum, Bezayi,

¹⁹ Harifi, Anatoti, Nebayi,

²⁰ Mapiyashi, Meshulam, Hezir,

²¹ Meshezabel, Zadoki, Yaduwa,

²² Pelatiya, Hanan, Anayiya,

²³ Hosheya, Hananiya, Hashub,

²⁴ Haloheshi, Piliha, Shobeg,

²⁵ Rehum, Hashabina, Maseya,

²⁶ Ahija, Hanan, Anan,

²⁷ Maluki, Harim, ti Bayana.

Unju ti Yer Ande ba

²⁸ Ati ande ti Isirela, ti akwen-ti, ti anyisu Lawi, ti ande ti ku kyir kusog Rimam tiyang wu, ti ande ti ku yang akyang kusog Rimam tiyang wu, ti ande ti ku nde wande kusog Rimam tiyang wu ti ande ti tsitsi meme ti ye su icwe Rimam, ati ka pu ti ijwe te ande ti rikyen ti nae uwae riben-ti, ati, ti awa-ti, ti anyisu-ti ti kwen ben pu ba ti nungye pu ba ira,

²⁹ ati tsi ike ku ren unju-ti ti ande ti uwe-ti yi uben ti ben baa, kufaen ā ta risu-ti asiti ati a ye su-ti icwe ti Rimam nda upyi-wu Musa be ama ye su-ti icwe Yaweh ti si Itsekuru-ti ti iken ti kwen-wu be.

³⁰ Ati ti ande ti rikyen ti nae riben-ti u mbe-ti atso be.

³¹ Asiti ande rikyen a sa ayaen awum, ko iken iki ba ti ba na u jabci na ti usir ikyinn ko usir ti saen kyag iki, ati u jab-ti be. Meme kusang ti fa ti itsongfaen, ati u ya risaen ati ta ti yi a ku ufug, ama u yer wen tag ripab ti ati ku putsa ande.

³² Ati sa tsi pu ti baa, unde titini uwae-ti na u sa ru ye kinjo uwae zinariya ita ti awu site ikyaen wande kusog Rimam tiyang, ko kusang titini.

³³ Ati u ku sha iken ayine ba ti a u fen Rimam uwae kusog Rimam tiyang. Iken yi si, buredi ti sisaen, ayaen awum ti a ku pu ba ti usirsir, ibye ti a ku twen kob usir titini ti si iken ti a yerwen na Rimam, rinyangwae ti sisaen na usir ikyinn, ukwab ukwab na ushaen tishe, ti ukwab ti tsitsi, ti rinyangwae ti sisaen ti tsitsi, rinyangwae ti ku jwo ru ye ikentitibi na Isirela, ti iken ti a ku sha cwucwo uwae kusog Rimam tiyang wu.

³⁴ Ati akwen ti anyisu Lawi, ti ande ti tsitsi, tsab pu ti ititsab yi fengo na icwe-ti ikyaen rinyangwae ituku ti a u pu ba kusog Rimam ko kusang titini ikyaen ti ati u nung umyaem ande ti u sha ituku ba ti a u twen iken ti a pu ba na Yaweh Rimam-ti, putsa iken ti a bae uwae icwe.

³⁵ Ati sa tsi pu ti baa, ko kusang titini ati na u pu wuci ti ati bunn uwe, ti awaen meme itso ituku-ti ti ben uwe, ati na u kwaen ba kusog Yaweh.

³⁶ Cwucwo ati u pu anyisu ti tawe-ti ti arom, ti indag-ti ti iwenten ti iwentam, ru ba na akwen ti ku nde wande yi kusog Rimam-ti pangma ti a bae uwae icwe.

³⁷ Ati u pu umung awum ti ati bunn tawe ko kusang titini ka na akwen yi kusog Rimam tiyang, fa ti rinyangwae-ti na ambyi anam, ti kindob, ti patag itso awaen iken meme. Ati u pu kinjo uwae rijwe na iken ti ati tu riben-ti kaa na anyisu Lawi, ikyaen ti aba ti ku mbe kinjo uwae rijwe yi uwae uten uten ti ati ku nde wande atang.

³⁸ Kukwen ti ru ye rishi Aruna ā som te anyisu Lawi kiye ti a ku mbe kinjo uwae rijwe yine. Anyisu Lawi aba u sa kinjo uwae rijwe ti aba mbe meme kaa tsi asog ti a ku pu iken tsi atang uwae kusog Rimam tiyang.

³⁹ Ande Isirela ti anyisu Lawi ā pu awum, ti ambyi anam, ti kindob ti a byir ka tsi asog ti a ku pu isu tsi atang, ti si uwog ti isu ti a ku nde wande te yi uwae kusog Rimam tiyang tsi atang, u si sí uwog ti akwen ti ta unju wande ti ande ti ku yang akyang yi kusog Rimam tiyang site uwog ti nae-ba atang. Ati u sae ru-ti kusog Rimam-ti be.