Kucangtsi 36 - Kutsingken Ira Rimam ti Saen Kyag

Rishi Esuwa

¹ Ayine si rishi Esuwa ti rinyi-wu iki si Edom

² Esuwa mbe anda ti Kanana. Ti tawe si Ada, umbae Elon, urae Hiti, ti ifaen si Oholibama umbae Anah ti si umbae na umbae Zibeyon urae Hivi.

³ Ti ita si Basemati umbae Ishimayel. Basemati wune si mbiya Nebayoti.

⁴ Ada mbae Elifazi, Basemati mbae Rewel.

⁵ Oholibama ama mbae Jewush ti Jalam ti Kora. Abane si anyisu ti arom ti a mbae na Esuwa yi Kanana.

⁶ Esuwa pu awa-wu ti anyisu-wu ti arom ti ti anda, fa ti ande ti kununn-wu meme, ti ikentishi-wu, ti rifunn ti awu tu yi Kanana, u nwunn ka som uwog ti ta rurwen ti inja-wu Yakubu.

⁷ Rifunn-ba ko sha pu yi ti aba u som tetso. Riben uwog ti aba ta atang ko-wu aba cwucwo be ikyaen ikentishi-ba.

⁸ Ikyaen ayine, Esuwa (Edom) ru ka som imbyi rikwèn Seyir.

⁹ Rishi na Esuwa, ti si itse ande ti Edom ti nae rikwen ti Seyir ta re.

¹⁰ Rinyi anyisu Esuwa ta re. Uwa-wu Ada mbae na wu Elifazi. Uwa-wu Basemati mbae na wu Rewel.

¹¹ Anyisu Elifazi si Teman, ti Omar, ti Zefo, ti Gatam, ti Kenazi.

¹² Elifazi umbae Esuwa site unda iki ti rinyi-wu si Timina, awu mbae Amaleki. Abane si anyisu na anyisu Ada, uwa Esuwa.

¹³ Rinyi anyisu Rewel umbae Basemati ta re. Nahati, ti Zera, ti Shama, ti Miza.

¹⁴ Anyisu uwa-wu Oholibama, umbae ti unda na Anah, umbae Zibeyon, ti awu mbae na wu Esuwa si Jewush, ti Jalam, ti Kora.

¹⁵ Abikwe na anyisu Esuwa ti arom ta re. Abikwe ti si anyisu Elifazi, umbae titawe Esuwa, si Ukwe Teman, ti Ukwe Omar, ti Ukwe Zefo, ti Ukwe Kenazi,

¹⁶ ti Ukwe kora, ti Ukwe Gatam, ti Ukwe Amaleki. Aba ti si abikwe ti ruye rishi ana Elifazi yi uten ti Edom. Aba si anyisu-anyisu Ada, uwa Esuwa titawe.

¹⁷ Anyisu na Rewel, umbae Esuwa si Ukwe Nahati, ti Ukwe Zera, ti Ukwe Shama, ti Ukwe Miza. Abane ti si abikwe ti ruye rishi ana Rewel yi uten ti Edom. Aba si anyisu na anyisu Basemati uwa Esuwa.

¹⁸ Oholibama uwa Esuwa mbae abikwe bane, Ukwe Jewush, ti Ukwe Jalam, ti Ukwe Kora. Abane ti si abikwe ti ruye rishi Oholibama, umbae Anah ti unda, uwa Esuwa.

¹⁹ Meme bane si anyisu na Esuwa ti si Edom, ti abikwe-ba.

Rishi na Seyir Unde ti Hori

²⁰ Mbukwen ande ti som riben Edom atang ti ti kucang si anyisu Seyir, urae Hori. Aba si Lotan, ti Shobali, ti Zibeyon, ti Anah,

²¹ ti Dishon, ti Ezer ti Dishan. Abane ti si ande ti uwe ande ti Hori ti si anyisu Seyir ti ta Edom.

²² Anyisu Lotan si Hori, ti Heman. Mbiya Lotan si Timina.

²³ Anyisu Shobali ta re: Alivan ti Manahati ti Ebal ti Shefo ti Onam.

²⁴ Anyisu na Zibeyon si Aiya ti Anah. Anah wune ti si Anah ti ka tu imbyi isatsub ti ku tso byagkwan uwae kutur kuka kiye ti awu ku shi ikyinnsu itse-wu Zibeyon.

²⁵ Anyisu Anah si Dishon ti Oholibama umbae ti unda Anah.

²⁶ Anyisu na Dishon si Hemidan ti Eshiban ti Itiran ti Keran.

²⁷ Anyisu Ezer si Bilihan ti Zavan ti Akan.

²⁸ Anyisu na Dishan si Uzi ti Aran.

²⁹ Abikwe na ande ti Hori ama si Lotan, ti Shobali, ti Zibeyon, ti Anah,

³⁰ ti Dishon ti Ezer ti Dishan. Aba ti si abikwe na ande ti Hori ti nae uten ti Seyir.

Abikwe na Edom

³¹ Abane si abikwe ti nae uwae uten ti Edom titawe anyisu Isirela bag Ukwe ti nae-ba:

³² Bela umbae Beyor nae Ukwe risu uten ti Dinihaba ti ta uwae Edom.

³³ Ti Bela cwu, Jobab umbae Zera unde ti Bozira tsokyi Ukwe.

³⁴ Ti Jobab cwu, Husham Unde ti uten Teman tsokyi Ukwe.

³⁵ Ti Husham cwu, Hadad umbae Bedadi, ti ci Midiyan rika yi uten ti Mowab, tsokyi Ukwe. Awu si unde ti uka Aviti.

³⁶ Ti Hadad cwu, Samlah unde ti Masireka tsokyi Ukwe.

³⁷ Ti Samlah cwu, Shawul unde ti Rehoboti ti ta uyinn ti Yufiretis tsokyi Ukwe.

³⁸ Ti Shawul cwu, Baal-Hanan umbae Akibor tsokyi ukwe.

³⁹ Ti Baal-Hanan umbae Akibor cwu, Hadar unde ti Pawu tsokyi Ukwe. Rinyi uwa Hadar si Mehetabel, ti iya-wu si Matired umbae Mezahab.

⁴⁰ Abane si abikwe ti ruye rishi Esuwa ti rinyi-ba, ti rishen-ba, ti kukang-ba. Aba si Timina, ti Aliva, ti Jetet,

⁴¹ ti Oholibama, ti Ela, ti Pinon,

⁴² ti Kenazi, ti Teman, ti Mibizar,

⁴³ ti Magadiyel, ti Iram. Aba ti si abikwe na Edom ti uwog ti som-ba yi riben ti aba nae atang.