Kucangtsi 10 - Kutsingken Ira Rimam ti Saen Kyag

Mbukwen Ande ti Utense Ru ye Rishi na Nuhu

¹ Abane si rishi na anyisu Nuhu, Shem, ti Ham, ti Jafeti, fa ti anyisu ti aba mbae isim ti ambyi munnkyi utense.

² Anyisu Jafeti si Gomer, ti Magog, ti Madai, ti Javan, ti Tubal, ti Meshek, ti Tirasi.

³ Anyisu Gomer si Ashikenazi, ti Rifati, ti Togarma.

⁴ Anyisu Javan si Elisha ti Tershishi ti Kitim ti Dodanim.

⁵ Ayi si uwae rishi Javan bane ti ande ti ku nae unju uyinn mbae jwunn kyife uwog meme. Abane ti si rishi na Jafeti ti uwog ti a nae atang, kukang-ba ti unju uten-ba.

Rishi na Ham

⁶ Anyisu Ham ama ta re. Kushi ti Mizirayim ti Puti ti Kanana.

⁷ Anyisu Kushi si Seba, ti Havila ti Sabta, ti Rama ti Sabteka. Anyisu Rama si Sheba ti Dedan.

⁸ Kushi mbae Nimrodi. Awu ti si ukwerika ti tawe uwae utense.

⁹ Awu ti si tatu ti ribom uwe Yaweh nee iken ti nde ande ku ri baa, “Yaweh ā nda, ti fu si tatu ti ribom pangma Nimrodi.”

¹⁰ Kujwokwe-wu ti kucang bag ti Babila, ti Erek, ti Akadi, ti Kalne, ti ta Shinar.

¹¹ Ama awu nwunn atang, u ru yi Asiriya, u ka mbye Nineve, ti Rehoboti-Ir ti Kala

¹² ti Resen, kutampwa Nineve, ti Kala ti si uten tiyang.

¹³ Mizirayim mbae ande ti Ludi, ti ande ti Anamim, ti ande Lehab, ti ande Nafitu, ti

¹⁴ ande ti Patirusi, ti ande ti Kasilu (abane ti si rishi na Filisiti) ti Kafitor.

¹⁵ Kanana mbae Sidon umbae kucang-wu ti inja-wu Hiti.

¹⁶ Awu Kanana ama si sí itse ande ti Jebusi, ti ande ti Amor, ti ande ti Girgashi,

¹⁷ ti ande ti Hivi ti ande ti Arki ti ande ti Sini

¹⁸ ti ande ti Arvadi ti ande ti Zemari ti ande ti Hamati. Isim ayine, rishi na Kanana mbae jwunn kyife uwog meme.

¹⁹ Ice ande ti Kanana bag ti uten ti Sidon ti ta uwe ti Gerar ka sang ti Gaza, u nwunn atang ru uwe ti Sodom ti Gomora ti Adima ti Zeboyim ru ka sang ti Lasha.

²⁰ Abane ti si rishi Ham, ishikununn-ba, ti unju uten-ba, ti uten-ba ti ambukwen-ba.

²¹ Shem, ndufu Jafeti ama mbae anyisu, awu si itse meme anyisu Eber.

²² Anyisu Shem ta re. Elam ti Ashur ti Arpakisha ti Ludi ti Aram.

²³ Anyisu Aram si Uzi, ti Hul, ti Geter, ti Mashi.

²⁴ Arpakisha mbae Shela, Shela mbae Eber.

²⁵ Eber ama mbae anyisu ifaen. Rinyi kinjo si Peleg ikyaen ti, kiye wu aba kata uten. Rinyi inja-wu ama si Jokitan.

²⁶ Jokitan ama mbae Alimodadi ti Shelef ti Hazar-maveti ti Jera,

²⁷ ti Hadoram ti Uzal ti Dikila,

²⁸ ti Obali ti Abimayel ti Sheba,

²⁹ ti Ofir ti Havila ti Jobab. Meme abane ti si anyisu Jokitan.

³⁰ Ice-ba nwunn Mesha, uwe ti ku ru yi Sefar ru fe yi kubab rikwen uwe usir ti kiskinn.

³¹ Abane ti si rishi Shem, ti ishikununn-ba, ti unju uten-ba, ti uten-ba, ti ambukwen-ba.

³² Abane meme ti si rishi na Nuhu ti rishi rishi-ba, ti uten-ba. Ishikununn ayine ti mbae jwunn kyife utense isim ti ambyi wen tag ande uwae utense meme.