Luke 20 - Karen Geko

¹ ဘာတနုန်နူ ဘွေသွတ်ပေါင်ဒေါထွန့်လောင်တာခိန် ပရာအော်စရာ့ကူးတဟယ် ဒေါ်ဖားဘွေအရီအကေးနူလော်။ ပရာလူတာဒူ၊ပရာသိုက်မောရှေလိုင်ဆောင်းးဆူးဆရာတဟယ်ဒေါ် ယုဒအရွီးအခူအနာ့တဟယ်နူ

² အလွိုင်းဇိန်ဘွေတုန်း "ပါးဖင်လောင်နာတာမာအကလဲဒုန်း နကာဒေါထွန့်လောင်တားဒေါ်နဲဘွေရီကေးတဟယ်နူဒုန်းစရာ့ကူးယိုးပရာ"နူလော်။

³ ယေရှုနူ "ခေးဘာလွိုက်သူးအော်တမီလော် ။"

⁴ ပရာဘလုန်းတာစရာယောဟန်နူ ပါးဖင်လောင်တာမာတာပရော်တာပရောက်ဒုန်းအကဘလုန်းနူးပရာဆူးနူလယ်။ဘွေအတာဖင်ဝေအခွက်ဧါ။​ယေရှုလွိုက်ဇိန်ဘလယ်တာနူလော်။

⁵ အဝေသူးနူ"ယေရှု၊ကနဲတာဖင်လောင်'ယောဟန်'အခွက်သူးနဲဒေါ်ဘာသရားသူးဇာ့ယူးဝေ 'ယေရှု' လွိုက်ဇိန်နူလော်။

⁶ ပရာကဖင်လောင်တပရာပရာမယ် ပရာလောနူးတဟယ်နူကဝိန်းပါဒေါ်လုတ်ဒေါ်ပါကသူးလော်။ဘာသရားနဲမယ် အဝေသူးယူးအယ် 'ယောဟန်'ဒုန်းမယ်ဝီးတပရာနူလော်။တပရာဒေါ်တပရာလေဆိန့်လေရောက်လော်။

⁷ ဘုန်ဒေါ် ပရာဒူပရာ့တဟယ်နူ "ပါးဖင်လောင်အခွက်ဒုန်း ယောဟန်ကဘလုန်းတာနူမယ်ပါဇာ့သိုက်ကိုး" နဲနူလော်။

⁸ ဘုန်နူ ယေရှုနူ"ပါးဖင်လောင်တာခွက်တာယာ တကူးယိုးမယ်ခေးမယ်ခေးနဲဇာ့ဇောင့်" နဲဇိန်ကနူလော်။

⁹ ယေရှုဆိန့်နူးပရာလောနူးတဟယ်ဒေါ်ငေါ ဇပရိလော်။"စပျစ်ကိုင်ဘွေနူ အဖင်လောင်အကိုင်ဒုန်း ပရာအုတ်ခယ်ဟော့တာနူဒေါ်

¹⁰ စပျစ်သာအခိန်ဘာဒေါ် အဘလိုင်လေအပရာတပရာမကိုက် ကလေဖိတ်ဇိန် မကိုက်ကိုင်ဘွေကဘာနူးဘာတာအော်နူလော်။ ပရာအုတ်ခယ်စပျစ်ကိုင်တဟယ်နူ တိန်းပုန်ပရာနူပရာဒေါ် အာဇာ့ဖင်ဇေတာတမီကိုးဘုန် အခလူးဇိန်ယူးနူလော်။

¹¹ ဘွေကိုင်နူ ဘလိုင်လေထိုက်သားမူး အပရာနု့ပရာတပရာလော် ။နဲမယ်ပရာအုတ်ခယ်ကိုင်တဟယ်နူ တိန်းပုန်သားနူလော် ။အဝေသူးတဟယ်နူမာပူမာကိန်း မာသရသပလတ်အဝေဘုန်ဘလိုင်ဇိန်ယူးသားနူလော်။

¹² ကိုင်ဘွေနူဘလိုင်လေသားအပရာတပရာဒေါ်အဝေမယ်မာမကိုက်ဒေါ်အရူးကူးတဟယ်နူဘာတိန်ဘာပုန်နူလော်။

¹³ ကိုင်ဘွေနူ"ခေးဘာမာကမားနူခေးသိုက်ဟုန်း ခေးကဘလိုင်လောင်ခေးဖော့ခူးအော်တပရာဒေါ်ခေးဒုန်းခေးဘာလောနူလော်။အဝေသူးကလားဒူခေးဖော့ခူးနူမယ်အပရွီးထောင်တာ တပရာလော်ဘုန်ဘလိုင်လေအဖော့ခူးနူလော်။

¹⁴ ပရာအုတ်ခယ်ကိုင်တဟယ်နူ"ဖောာ့ခူးယိုးပရာနူမယ်မုန်းကအော်တနုန်နူအကနူးဘာကိုင်ဘွေနူလော်.မကိုက်အဇာ့နူးဘာကိုင်နဲခူး မာသူးကေးဝေ "နဲရောင့်ဘုန်အဝေသူးစွီထောင်ဖလောက် ဒုန်းကိုင်ကွန်ဘုန်မာသူးကေးဝေနူလော်။

¹⁵ တာမာနဲ ကယိုးခိန်နူ ကိုင်ဘွေနူအကဘာမာကမား "ဘွေလွိုက်ဇိန်ပရာတဟယ်နူလော်"

¹⁶ ကိုင်ဘွေနူ ကလေဒေါ်မာသူးကေးပရာအုတ်ခယ်ကိုင်တဟယ်နူလော် ၊ဘုန်နူအကဖင်လောင်အကိုင်ဒုန်း ပရာကူးရူအစဓိန်းကူးနူလော်။ပရာဒုန်းအနာဟူးဘာတာတဟယ်နူ"တာကယိုးတဟယ်နူဇာ့ဖီးထောင်ကာ"နဲနူလော်။။

¹⁷ နဲမယ်ဘွေနူ အုတ်ဘီအဝေသူးဒေါ် "လိုင်ဆောင်းဆူးကူးနူ"ပရာပရောင်သင်တိုက် ဝိန်းကေးလုန်းတဟယ်နူအကထွားထောင်သင်ထူကာဘောက်နူလော်

¹⁸ ပရာဒုန်းအဘာဒိုးဒေါ်လုန်းတဟယ်ယိုးနူ အကထောင်တွန့်အကုပ်ကုပ်လောင်။

¹⁹ ပရာနာဓိန်းတာသဘားအခူအနာ့ဒေါ် ပရာဒါမောရှေလိုင်ဆောင်းဆူးတဟယ် ဘွေယေရှုတုတ်ငေါစပရီး ယိုးတဟယ်နူအဝေသူးသိုက်ငှားနံပူဒေါ် အဝေသူးအရီအကေးပါ ။ အခူစား အဝေသူးတဟယ် သနူးဖူဘွေတဘလယ်ထိုက်နူလော် ။နဲမယ်အဝေသူးသဘိုက်ပရာဆူးဖော့ဂက်ဖော့ပရာပူနူလော်။

²⁰ အဝေသူးသနူး ဖူဒေါ်အားလောင်ဘွေယေရှုဒုန်းရောမစဟွာစဓိန်းကူးဒေါ် အဒူအဒါးတဟယ်အုတ်ဒေါ့ယု့နူလော်။မကိုက်ဒေါ်ဘွေယေရှုအတာကမာကအော်ကသိုက်ဘာအနခူးနူလားမွန်းအပရာမာမကိုက်ပရာရီပရာရောက်ဒေါ် လေအော်မွန်းဒုန်းဘွေအကားဒီနူလော်။

²¹ ပရာအုတ်ဟွန်တာနဲဘွေ "ဘွေပရာလောနူးတဟယ်ကမွက်ပရာဒုန်းနတာသနူးနခူးတာဒုန်းပါကဘာမာဇု့တဟယ်နူနသွတ်ပါဒုန်းတာအမွက်ဘုန် 'နဇာ့အုတိဒူအုတ်ဆီကယောင်းတပရားကိုး"အနဲမူးကနူလော်။

²² ပါတဟယ်နူ ပါကဘာဖီရောမစဟွာ တာအခူနူအလိုဖီဧါမယ် အဇာ့လိုဧါနူ ဆိန့်နူးရှော့ပါတကင်

²³ ဘွေယေရှုနူ သိုက်ငှားပရာနူတဟယ် အာကူးအာသာ့ဒေါ်

²⁴ ဘွေနူနဲမူး "ပြရူးဘိန်ကာ"အနဲကနူလော်။ရူးဘိန်လော်နူသရားယွန်အော်မည်ဒေါ်အရီလောင်ပါးပရာအမီ" ဘွေလွိုက်မွန်းဝေဒေါ် ။အပါယာစဟွာအယွန်အော်ဒေါ်အမီ အဝေနဲဇိန်မူးကနူလော်။

²⁵ ဘို့နူမယ် ဘွေယေရှုနဲမွန်းအဝေမွက်ဘာဇာ့ဒေါ်အင်ပါယာစဟွာမယ် ဖင်ဇိန်အင်ပါယာစဟွာကာ။ မွက်ဘာဇာ့ဒေါ်ဖားဘွေဒူတာမယ်ဖင်ဇိန်ဖားဘွေဒူအတာကာ ယေရှုမှာနူမွန်းအဝေကနူလော် ။

²⁶ ပရာနူတဟယ်နူဒုန်းပရာပူအာလမောက်နူအဝေသူးကွားလပ်ဘွေအတာကမာဒေါ်ကွားဇာ့အုတ်ဆူ ဒေါ်အဝေသူးဖူဘွေဇာ့ဒါကိုးနူလော်။

²⁷ ဇဒ္ဒုကဲတဟယ်နူပရာဒုန်းအသူးဘုန်အထောင်ပရားဇိန်နူ အဝေသူးဇာ့ယူးကိုး။ အခူစား ဇဒ္ဒုကဲတဟယ်လေဒုန်းဘွေအလောင်မောက်

²⁸ ဘုန်လေဘထိတ်ဒေါ်ဘွေ မောရှေတာမှာလောင်လိုင်ဆောင်းဆူးကူးနူ ပရာမားအော်တပရာ အဖော့အယူဇာ့အော်ဒေါ် အဝေသူးကိုးနူဒေါ်သူးဖယ်နူလော်။မူးရှိုက်ဒုန်းအော်တောင့်နူဘာဖိတ်ဇိန်အာပူးနူလော်။ပဇာ့ဒုန်းအော်လောင်ရူးကူးနူမယ်ဘာလားမကိုက်အဝေးဒုန်းအသူးနူပရာအဖော့နူလော်။

²⁹ တဘလယ်နူ သပူးဝေးအော်သာ့နု့ အဒူခလုန်းတပရာနူ ဖိတ်အမားဒေါ်အဖော့ဇာ့အော် တပရားတပရာဘုန်အသူးကေးနူလော်။

³⁰ အော်သားအပူးအကလာ့တပရာ ဖိတ်ဇိန်သားးပွန်မွန်နူတပရာဒေါ် အဖော့န့်အဖော့ဇာ့အော်ဒေါ်သူးနူလော်။

³¹ သု့ပရာတပရာနူမယ် မာမကိုက်ကနူလော်။ဖိတ်မူးရှိုက်တာပရာနူဒေါ်သူးလော်သာ့နု့လောနူလော်။

³² ထူးအနော်နူမူးရှိုက်နူသူးမူးနူလော်

³³ ပွန်မွန်ယိုးပရာနူ အဝါအော်သနွိုက်တဘလယ်ထိုက်ဒေါ်အဝေကတူးဇိန်မော့ခူခိန် အဝေကထွားမားပရာအမား "မယ်ဇဒ္ဒုကဲလွိုက်ဘွေနူလော်။

³⁴ ဘွေယေရှုနဲဇိန်မူး "တာဖိတ်စဓိန်းနူအအော်ဘုန်း ဟယ်ခူနူလော်။

³⁵ နဲမယ်တာအော်မူးအလမောက်နူ သူးဘုန်သာရိုက်ဇိန်ခိန် ပရာဒုန်းအကဖိတ်စဓိန်းဒေါ်ဝေဇာ့အော်ဒေါ် တာသူးမယ်ဇာ့အော်ပယ်လော်။

³⁶ အဝေသူးတဟယ်နူမကိုက်ဘွေတနဲဖော့နူကာဖီးထောင်ဘွေအဖော့ယူတဟယ်နူလော်။ ဘာသရားနဲမယ် အဝေသူးတဟယ်နူ အသူးဒေါ်ထောင်ပရားဇိန်နူလော်။

³⁷ ဒုန်းဂက်ခိုက်ကားနူ မီပလီဂိုက်ထောင် မောရှေအရီအကေးအော်တဒပ်နူလော်။ ဖားဘွေဒူနူ အဝေမယ်အဗြံဟံ၊ဣဇက်၊ ယာကုပ်အဘွေဒူနူလော်။မယ်တာနဲထောင်ဘလောင်းလောနူလော်။မာကနူအခူစား သူးဘုန်မယ်ထောင်ပရာ့ဒါ အကလဲအော်အဆိန့်ကနူလော်။

³⁸ မကိုက်တာဆိန့်ယိုးနူ ဖားဘွေဒူနူ အဝေဇာ့မွက်ပရာသူးအဘွေကိုးနူလော်။ အထောင်ပရဇိန်ဘွေဒူနူလော်။ သာနူးနဲယိုးမယ် ဖာ'ဘွေဒူနူ ပရာလောနူးတဟယ်နူ​အော်မူးဒုန်းဘွေအတာသနူးကူးနူလော်။

³⁹ ပရာဒါမောရှေအလိုင်ဆောင်းဆူးစရာတဟယ်နဲမူး ဖားဘွေနတာနဲယိုးနူမယ် မယ်တာအကုန်ဒေါ်အရောက် အဝေသူးနဲကနူလော်။

⁴⁰ ဇာ့ထောင်ဘုန်းနူဒေါ် ပရာတဟယ်နူဇာ့လွိုက်ထောင်ပယ် ဘွေယေရှုတာပရွီးတမီးတမီဘေကိုးနူလော်။

⁴¹ ယေရှုနဲမူးပရာတဟယ် ဘာသရား မေရှိယနူမယ် စဟွာဒါဝိအဖော့ခူးနဲခါးမာရား။အဝေလွိုက်ကနူလော်။

⁴² စဟွာဒါဝိ အဝေနူမယ် လိုင်ဆောင်းဆူးကူး လိုင်စိထော်ပတရယ်ကူးနူ

⁴³ "ဖားဘွေဒူနူနဲ အဖင်လောင်အငေါ့ဒုန်းခေးဘွေမေရှိယအော်နူမယ် သူးဒူသူးဒါးတဟယ်ကတူးဒုန်းသူးကဓိန်ကလာ့ခိန်နူနောင်းလောင်ဒုန်းခေကဓိန်းကားထွိုက်​ေုါ်အော်ကာ။"နဲမူးနူလော်။

⁴⁴ စဟွာဒါဝိနူမေရှိယနူမယ် ခေးဘွေ အဝေနဲကနူအခူစား မေရှိယဘွေနူကထွားစဟွာဒါဝိဖော့ခူးဒါကမား ဘွေယေရှုဆိန့်မူးကနူလော်။

⁴⁵ ဘွေယေရှုနူ ဘုန်းပရာလောနူးတဟယ်နာဓိန်းအခိန်နူ ပရာမာတာဖော့တဟယ်ဒေါ်ပရာဒါ မောရှေလိုင်ဆောင်းဆူးစရာတဟယ်နူ အော်သနက်ဒေါ်ဆွားရိမ်ဆော့အဝေသူးကာ။

⁴⁶ အဝေသူးတဟယ်နူဟော့စဒုန်းလောင်ရူအဒူတဟယ် ဆွားခလိုက်ကူးဒေါ်မာဒူမာဒါအနဲတဟယ်လော်။အဝေသူးတူးလေဒုန်းပရာဆားတာကလဲဒေါ် အသနူးပရာလောနူးတဟယ်အုတ်ဆူအခလိုက်ဒေါ်ပရွီးဘာရောင့်အော်နူလော်။

⁴⁷ မွက်မွက်မူးရိုက်အော်သင်ဖေါင်းနူ အဝေသူးရွတ်ဖယ်ထွန့်ဒါဘုန်အသဘားအခိန်နူမယ် အမာဘလာအနဲဒုန်းအသဘားထူးနူလော်။ ပရာယိုးတဟယ်နူ တကဘာတာခေါ်ဝယ်န်းအဒူ တဟယ်နူလော်မယ်ဘွေဖင်သနဲထောင်တာနူလော်။