စံးထီၣ်ပတြၢၤ 93 - Sgaw Karen Common Bible

ကစၢ်ယွၤမ့ၢ်ပစီၤပၤ

¹ ယွၤမ့ၢ်စီၤပၤလီၤ. အဝဲကူသိးဝဲတၢ်ကဟုကညီၢ် ဒီးတၢ်ဂံၢ်တၢ်ဘါလီၤ. ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ ဒီးဘၣ်တၢ်မၤဟူးဝးအီၤတန့ၢ်ဘၣ်.

² ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ အခီၣ်ထံးလံၤလံၤ ဒီးနအိၣ်တ့ၢ်လံနဲလၢပျၢၤလၢကစၢၤ လီၤထူလီၤယိာ်န့ၣ်လီၤ.

³ ယွၤဧၢ, ပီၣ်လဲၣ်မိၢ်ပှၢ်အတၢ်ယိာ်ပူၤတဖၣ်ထုထီၣ်အကလုၢ်, အဝဲသ့ၣ်ထုထီၣ်အကလုၢ်ဒီးအသီၣ်အသဲန့ၣ်လီၤ.

⁴ ယွၤပၢတၢ်အိၣ်ဒီးအစိဒိၣ်ကမီၤထီလၢမူခိၣ်, ဒိၣ်န့ၣ်ဒံးပီၣ်လဲၣ်မိၢ်ပှၢ်အတၢ်သီၣ်, ဒီးအသဟီၣ်ဆူၣ်န့ၢ်ဒံးပီၣ်လဲၣ်အလပီတဖၣ်တက့ၢ်န့ၣ်လီၤ.

⁵ ယွၤဧၢ, နတၢ်သိၣ်တၢ်သီတဖၣ်န့ၣ်အိၣ်ဝဲလီၤထူလီၤယိာ် ဒီးနတၢ်လုၢ်ဟံၣ်န့ၣ်စီဆှံဝဲနီၢ်နီၢ် အစိၤစိၤအဃၣ်ဃၣ်န့ၣ်လီၤ.