စံးထီၣ်ပတြၢၤ 87 - Sgaw Karen Common Bible

လၢတၢ်စံးထီၣ်ပတြၢၤယရူၤၡလ့ၣ်

¹ ယွၤသူၣ်ထီၣ်အဝ့ၢ်လၢကစၢၢ်စီဆှံအဖီခိၣ်လီၤ.

² ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ လၢအအိၣ်လၢအံၣ်စရ့လးအပူၤတက့ၢ်လီၤ.

³ ကစၢ်ယွၤအဝ့ၢ်ဧၢ, ဒိကနၣ် တၢ်လီၤလိၢ်လးတဖၣ် လၢအဝဲစံးတၢ်လၢနဂ့ၢ်န့ၣ်တက့ၢ်. စ့လၤ

⁴ ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ် ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ. ယကဂံၢ်ဃုာ်ပှၤဖလ့ၡသးဖိ, ပှၤထါယၢၣ်ဖိဒီး ပှၤကူၤၡးဖိလၢ ပှၤဝ့ၢ်ယရူၤၡလ့ၣ်အကျါန့ၣ်လီၤ.

⁵ လၢစံယိၣ်အဂ့ၢ်န့ၣ် တၢ်ကစံးဝဲဒၣ်လၢ ပှၤကိးကလုာ်ဒဲးဘၣ်ထွဲဖဲန့ၣ်, ဒီးတၢ်စိတၢ်ကမီၤ ခဲလၢာ်အကစၢ် ကမၤဆူၣ်ထီၣ်အီၤလီၤ.

⁶ ယွၤကကွဲးလီၤအပှၤဂီၢ်မုၢ်အမံၤ အတၢ်ကွဲးနီၣ်ဒီး ဒၢနုာ်အဝဲသ့ၣ်ခဲလၢာ်ဒ် ဝ့ၢ်ယရူၤၡလ့ၣ်အပှၤဝ့ၢ်ဖိတဖၣ်အသိး န့ၣ်လီၤ. စ့လၤ

⁷ အဝဲသ့ၣ် ဂဲၤကလံာ်ဒီး သူၣ်ဝံၣ်သးဆၢ တၢ်စံးဝဲ, “ပတၢ်ဆိၣ်ဂ့ၤခဲလၢာ်အဂံၢ်ထံးန့ၣ် ဟဲလၢစံယိၣ်အပူၤလီၤ.”