စံးထီၣ်ပတြၢၤ 82 - Sgaw Karen Common Bible

ကစၢ်ယွၤမ့ၢ်ပှၤပၢတၢ်အဒိၣ်ကတၢၢ်

¹ ကစၢ်ယွၤတီခိၣ်ရိမဲလၢ မူခိၣ်အတၢ်အိၣ်ဖှိၣ်အကီၣ်ကးအပူၤ, ဒီးလၢကစၢ်တဖၣ်အတၢ်အိၣ်ဖှိၣ်အပူၤန့ၣ် အဝဲစံၣ်ညီၣ်တၢ်လီၤ.

² “မ့ၢ်သုကအိၣ်ပှိၤပှၤတတီတလိၤဒီး ဒုးနဲၣ်သုတၢ်ကွၢ်မဲာ်ပှၤအၢပှၤသီန့ၣ်ဆံးယံာ်ဒံးလဲၣ်. စ့လၤ

³ အိၣ်ပှိၤပှၤဂံၢ်စၢ်ဘါစၢ်ဒီး ပှၤဖိၣ်ဃဲတဖၣ်အကွီၢ်ဒီး ဟံးဃာ်ပှၤဘၣ်နးဘၣ်ဖှီၣ်ဒီး အတၢ်ခွဲးတၢ်ယာ်တက့ၢ်.

⁴ မၤပူၤဖျဲးပှၤဂံၢ်စၢ်ဘါစၢ်ဒီး ပှၤလိၣ်ဘၣ်တၢ်မၤစၢၤ, မၤထူၣ်ဖျဲးအဝဲသ့ၣ်လၢ ပှၤတတီတလိၤအစုပူၤန့ၣ်တက့ၢ်.”

⁵ သုတနူၤပၢၢ်နၢ်ဘှါတၢ်မးလဲၣ်, သုသးတဆးမးလဲၣ်. သုဟးဂီၤလၢာ်လၢာ်ဆ့ဆ့ ဒီးတၢ်တီတၢ်လိၤလီၤမၢ်ကွံာ်လၢ ဟီၣ်ခိၣ်ချၢလံ.

⁶ ယစံး “သုမ့ၢ်ကစၢ်တဖၣ်, ဒီးသုမ့ၢ်တၢ်ထီကတၢၢ်တဂၤအဖိခွါတဖၣ်လီၤ.

⁷ ဘၣ်ဆၣ်သုကသံဒ် ပှၤကညီတဖၣ်အသိး ဒီးသုတၢ်အိၣ်မူကကတၢၢ်ဒ် စီၤပၤဖိတဂၤလၢ်လၢ်အသိးန့ၣ်လီၤ.”

⁸ ကစၢ်ယွၤဧၢ, ဟဲဒီးပၢဟီၣ်ခိၣ်တက့ၢ်. ပှၤကလုာ်ခဲလၢာ်မ့ၢ်နတၢ်လီၤ.