စံးထီၣ်ပတြၢၤ 76 - Sgaw Karen Common Bible

ကစၢ်ယွၤမ့ၢ်ပှၤမၤနၢၤတၢ်

¹ ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ, ဒီးအမံၤဘၣ်တၢ်မၤလၤကပီၤအီၤလၢ အံၣ်စရ့လးအပူၤန့ၣ်လီၤ.

² အဝဲအိၣ်ဒီးအဟံၣ်လၢဝ့ၢ်ယရူၤၡလ့ၣ်အပူၤ, ဒီးအိၣ်ဝဲဆိးဝဲလၢကစၢၢ်စံယိၣ်လီၤ.

³ အဝဲမၤကၢ်ကွံာ်အဒုၣ်အဒါတဖၣ်အပျၢ်, အကတီၤဒီးအနးတဖၣ်ဒီးကယဲၢ်အဝဲသ့ၣ် အစုကဝဲၤခဲလၢာ်ဖဲန့ၣ်လီၤ. စ့လၤ

⁴ ကစၢ်ယွၤဧၢ, နလၤကပီၤဒိၣ်ဝဲဆံးဒိၣ်လဲၣ်. ဖဲနဟဲက့ၤလၢကစၢၢ်လၢနမၤနၢၤနဒုၣ်နဒါတဖၣ်န့ၣ်, နကဟုကညီၢ်ဒိၣ်ဝဲဆံးဒိၣ်လဲၣ်.

⁵ ပှၤသုးဖိလၢအဒူတဖၣ်ပာ်လီၤတ့ၢ်လံအစုကဝဲၤ, ဒီးအခဲအံၤမံဝဲလၢတၢ်သံအတၢ်မံအပူၤလံ. အဂံၢ်အဘါဒီးအတၢ်သ့တၢ်ဘၣ်ခဲလၢာ် တဂိာ်တသီၣ်လၢၤနီတမံၤဘၣ်.

⁶ စီၤယၤကိာ်အကစၢ်ယွၤဧၢ, တုၤနသိၣ်ဃီၣ်အဝဲသ့ၣ်တဖၣ်န့ၣ်ဒီး ကသ့ၣ်ဒီးပှၤဒိးကသ့ၣ်တဖၣ်လီၤဃံၤသံဝဲန့ၣ်လီၤ.

⁷ မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

⁸ နမၤသ့ၣ်ညါတ့ၢ်လံနတၢ်စံၣ်ညီၣ်လၢမူခိၣ်, ဒီးပှၤဟီၣ်ခိၣ်ဖိခဲလၢာ်ပျံၤတၢ်ဒီးအိၣ်ဘှီၣ်ဝဲဒၣ်,

⁹ ဖဲနဂဲၤဆၢထၢၣ်တဲဖျါထီၣ်တၢ်စံၣ်ညီၣ်လၢ နကအုၣ်က့ၤခီၣ်က့ၤပှၤဘၣ်တၢ်မၤအၢမၤနးလၢ ဟီၣ်ခိၣ်ချၢခဲလၢာ်အဂီၢ်န့ၣ်လီၤ. စ့လၤ

¹⁰ ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

¹¹ ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ, ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ, ဟဲစိာ်တၢ်ဟ့ၣ်တဖၣ်ဆူယွၤတဂၤ လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.

¹² အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.