စံးထီၣ်ပတြၢၤ 148 - Sgaw Karen Common Bible

တၢ်ကိးထီၣ်တၢ်ဘၣ်တ့ခဲလၢာ် လၢကစံးထီၣ်ပတြၢၤကစၢ်ယွၤအဂီၢ်

¹ စံးထီၣ်ပတြၢၤယွၤတက့ၢ်. သုဝဲလၢအအိၣ်လၢတၢ်လီၢ်ထီၣ်ထီသ့ၣ်ဧၢ, စံးထီၣ်ပတြၢၤယွၤလၢမူခိၣ်န့ၣ်တက့ၢ်.

² အကလူးခဲလၢာ်ဒီးအမူခိၣ်သုးမုၢ်ဂီၢ်မုၢ် ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.

³ မုၢ်ဒီးလါသ့ၣ်ဧၢ, စံးထီၣ်ပတြၢၤအီၤတက့ၢ်. တၢ်ကပီၤအဆၣ်ဧိၤဖီဧိၤခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.

⁴ မူခိၣ်အထီကတၢၢ်ဒီးထံဧိၤနိဧိၤအိၣ်လၢ မူခိၣ်အဖီခိၣ်သ့ၣ်ဧၢ, စံးထီၣ်ပတြၢၤအီၤတက့ၢ်.

⁵ မ်တၢ်ခဲလၢာ်စံးထီၣ်ပတြၢၤယွၤအမံၤန့ၣ်တက့ၢ်. အဝဲမၤလိာ်တၢ်ဒီးအဝဲသ့ၣ်ကဲထီၣ်လီၤ.

⁶ ဒီးအဝဲမၤဂၢၢ်မၤကျၢၤအဝဲသ့ၣ်လီၤစိၤလီၤထီ, အဝဲပာ်လီၤတၢ်မၤလိာ်လၢတၢ်လုၢ်သ့ၣ်ခါပတာ် တသ့ဝဲနီတစုဘၣ်န့ၣ်လီၤ.

⁷ မ်တၢ်အိၣ်လၢဟီၣ်ခိၣ်ခဲလၢာ် ပီၣ်လဲၣ်အပယိၤဒီးထံယိာ် ပူၤခဲလၢာ်, စံးထီၣ်ပတြၢၤယွၤတက့ၢ်.

⁸ လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်, ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,

⁹ စံးထီၣ်ပတြၢၤအီၤ, ကစၢၢ်ကလိဒီးကယဲၢ်တၢ်စိခိၣ်, သ့ၣ်လၢအသၣ်ထီၣ်ဒီးကယဲၢ်သ့ၣ်ဆှိအ့ရ့း,

¹⁰ ဆၣ်ဖိကီၢ်ဖိအမံၤဒီးဆၣ်ဖိကီၢ်ဖိအဒၢ, တၢ်လၢအစွါဒီးထိၣ်လၢအယူၤတဖၣ်ဧၢ,

¹¹ စံးထီၣ်ပတြၢၤအီၤ, ဟီၣ်ခိၣ်အစီၤပၤတဖၣ်ဒီးပှၤဂီၢ်မုၢ်ခဲလၢာ်, စီၤပၤဖိတဖၣ်ဒီး ကယဲၢ်ပှၤပၢတၢ်အဂၤခဲလၢာ်,

¹² ပှၤဖိၣ်သၣ်ခွါတဖၣ်ဒီးပှၤမုၣ်ကနီၤတဖၣ်, ပှၤသးပှၢ်တဖၣ်ဒီးပှၤဖိသၣ်တဖၣ်စ့ၢ်ကီး,

¹³ မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်. အဂ့ၢ်ဒ်အံၤ, အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ. အလၤကပီၤအိၣ်ထီၣ်ထီဝဲလၢ ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.

¹⁴ အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.