စံးထီၣ်ပတြၢၤ 137 - Sgaw Karen Common Bible

ပှၤအံၣ်စရ့လးဖိတဖၣ်အတၢ်ဟီၣ်တၢ်ယၢၤလၢ တၢ်စိာ်မၢကဲကုၢ်အပူၤ

¹ ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ, ဒီးတုၤပသ့ၣ်နီၣ်ထီၣ်က့ၤစံယိၣ်ဒီး, ပမဲာ်ထံလီၤဝဲန့ၣ်လီၤ.

² ပဘျးထီၣ်ပတနၢ်တဖၣ်လၢ ပံၢ်သလီအဒ့အလိၤလီၤ.

³ အဂ့ၢ်ဒ်အံၤ, ဖဲန့ၣ်ပှၤလၢအမၢကဲကုၢ်ပှၤတဖၣ် ဃ့ဝဲလၢပကသးဝံၣ်တၢ်လီၤ. ဒီးပှၤလၢအမၤကိၢ်မၤဂီၤပှၤတဖၣ်, မၢပမၤသူၣ်ဖှံသးညီအီၤစံးဝဲ, “သးဝံၣ်န့ၢ်ပှၤလၢစံယိၣ်အတၢ်သးဝံၣ် တယုၢ်ယုၢ်တက့ၢ်.”

⁴ ပကသးဝံၣ်ယွၤအတၢ်သးဝံၣ် လၢတခီဘီမုၢ်အပူၤန့ၣ်ဒ်လဲၣ်.

⁵ ယရူၤၡလ့ၣ်ဧၢ, ယမ့ၢ်သးပ့ၤနီၣ်နၤဒီး မ်ယသုတဒ့လၢၤတနၢ်နီတဘျီလၢၤတဂ့ၤ.

⁶ ယမ့ၢ်တသ့ၣ်နီၣ်ထီၣ်က့ၤနၤဘၣ်ဒီး, ယမ့ၢ်တပာ်ကဲယရူၤရှလ့ၣ်လၢယတၢ်သးခု အဒိၣ်ကတၢၢ် န့ၣ်ဘၣ်ဒီး, မ်ယပျ့ၤစဲဘူးဒီးယခၣ်ခိၣ်တက့ၢ်.

⁷ ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

⁸ ဘၤဘူၤလိၣ်ဧၢ, နကဘၣ်တၢ်မၤဟးဂီၤန့ၣ်လီၤ. ပှၤလၢအဟ့ၣ်ကၣ်က့ၤနၤလၢ တၢ်လၢနမၤဘၣ်တ့ၢ်ပှၤအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ.

⁹ အဝဲသ့ၣ်စိာ်ထီၣ်ကွံာ်နဖိသၣ် အီနုၢ်ထံတဖၣ်ဒီး တီၢ်လီၤသဘှံးကွံာ်အီၤ လၢလၢၢ်တဖျၢၣ်န့ၣ်လီၤ.