စံးထီၣ်ပတြၢၤ 130 - Sgaw Karen Common Bible

တၢ်ထုကဖၣ်လၢတၢ်မၤစၢၤအဂီၢ်

¹ ယွၤဧၢ, ယကိးထီၣ်နၤလၢ ယတၢ်သးဟးဂီၤအဒိၣ်အယိာ်အပူၤလီၤ.

² ကစၢ်ဧၢ, ဒိကနၣ်လၢ်ယကလုၢ်တက့ၢ်. မ်နဒိကနၣ်ယတၢ်ဃ့ကညးလၢ တၢ်မၤစၢၤအဂီၢ်န့ၣ်တက့ၢ်.

³ ယွၤဧၢ, နမ့ၢ်ကွဲးနီၣ်ပတၢ်ဒဲးဘးတဖၣ်ဒီး မ့ၢ်မတၤပူၤဖျဲးလၢ တၢ်စံၣ်ညီၣ်ကသ့တဂၤလဲၣ်.

⁴ ဘၣ်ဆၣ်တၢ်ပျၢ်တၢ်ကမၣ်အိၣ်ဒီးနၤဒ်သိး ပှၤကပျံၤနၤန့ၣ်လီၤ.

⁵ ယခိးကွၢ်လၢ်ယွၤအတၢ်မၤစၢၤလၢ တၢ်သူၣ်ဆူၣ်သးဂဲၤ ဒီးယနာ်တၢ်လၢအကလုၢ်ကထါအပူၤန့ၣ်လီၤ.

⁶ ယသးခိးကွၢ်လၢ်ယွၤ, အိၣ်ဒီးတၢ်သူၣ်ဆူၣ်သးဂဲၤ ဒိၣ်န့ၢ်ဒံးပှၤခိးတၢ်ဖိတဖၣ် ကွၢ်လၢ်မုၢ်ဆ့ၣ်ထီၣ်သီန့ၣ်လီၤ. မ့ၢ်, ဒိၣ်န့ၢ်ဒံးပှၤခိးတၢ်ဖိတဖၣ်ကွၢ်လၢ်မုၢ်ဆ့ၣ်ထီၣ်သီ န့ၣ်လီၤ.

⁷ အံၣ်စရ့လးဖိသ့ၣ်ဧၢ, မုၢ်လၢ်တၢ်လၢယွၤတက့ၢ်. အဂ့ၢ်ဒ်အံၤ, တၢ်အဲၣ်ဂၢၢ်ကျၢၤအိၣ်ဒီးယွၤ ဒီးတၢ်အုၣ်က့ၤခီၣ်က့ၤအလၢအပှဲၤအိၣ်ဒီးအီၤလီၤ.

⁸ ဒီးအဝဲကအုၣ်က့ၤခီၣ်က့ၤအပှၤဂီၢ်မုၢ်အံၣ်စရ့လးလၢ အတၢ်ဒဲးဘးအပူၤလီၤ.