စံးထီၣ်ပတြၢၤ 128 - Sgaw Karen Common Bible

ခိၣ်ဖးလၢတၢ်ဒိကနၣ်ယွၤအဂီၢ်

¹ ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

² နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

³ နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ နဟံၣ်ပူၤအသိး, ဒီးနဖိနလံၤကမၤအသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ်အသိးန့ၣ်လီၤ.

⁴ ကွၢ်ကွၢ်, ပှၤလၢအပျံၤယွၤန့ၣ် ကဘၣ်တၢ်ဆိၣ်ဂ့ၤဒ်န့ၣ်အသိးလီၤ.

⁵ မ်ယွၤဆိၣ်ဂ့ၤနၤလၢစံယိၣ်, မ်နထံၣ်ဘၣ်ယရူၤၡလ့ၣ်အတၢ်အီၣ်ကုးအီပှဲၤ တစိၤဒၣ်နၤတက့ၢ်.

⁶ မ်နကထံၣ်ဘၣ်နဖိတဖၣ်အဖိတက့ၢ်. မ်တၢ်ဃူတၢ်ဖိးအိၣ်ဒီးအံၣ်စရ့လးတက့ၢ်.