စံးထီၣ်ပတြၢၤ 123 - Sgaw Karen Common Bibleတၢ်ထုကဖၣ်လၢတၢ်သူၣ်ကညီၤသးကညီၤ အဂီၢ် 1 ပှၤလၢအပၢတၢ်လၢမူခိၣ်ဧၢ, ယကျ့ထီၣ်ယမဲာ်ဆူနၤလီၤ. 2 ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ. 3 ယွၤဧၢ, သူၣ်ကညီၤသးကညီၤပှၤ, သူၣ်ကညီၤသးကညီၤလၢ်ပှၤတက့ၢ်. အဂ့ၢ်ဒ်အံၤ, ပဘၣ်တ့ၢ်လံတၢ်မၤတရီတပါနးမးန့ၣ်လီၤ. 4 ပသးပှဲၤဆၢၣ်ကလာ်ဒီး ပှၤလၢအဘၣ်မုာ်ဘၣ်ခုၣ်တဖၣ် အတၢ်နံၤဘၣ်ဖၣ်လဲ ဒီးပှၤလၢအပာ်ထီၣ်ထီအသးတဖၣ် အတၢ်မၤတရီတပါန့ၣ်လီၤ. |
Sgaw Karen Common Bible © Bible Society of Myanmar, 1992.
Bible Society of Myanmar