စံးထီၣ်ပတြၢၤ 120 - Sgaw Karen Common Bible

တၢ်ထုကဖၣ်လၢတၢ်မၤစၢၤအဂီၢ်

¹ လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

² ယွၤဧၢ, မၤပူၤဖျဲးယၤလၢထးခိၣ်ကဘျံးကဘျၣ် ဒီးပျ့ၤလီတၢ်န့ၣ်တက့ၢ်.

³ သုဝဲပှၤလီတၢ်ဖိသ့ၣ်ဧၢ, ကစၢ်ယွၤကမၤသုဒ်လဲၣ်. အဝဲကစံၣ်ညီၣ်သုဒ်လဲၣ်.

⁴ လၢပှၤသုးဖိတဂၤအပျၢ်လၢအအ့ၣ်တဖၣ်, ဒီးမ့ၣ်အူကဖးအကဲၤဒီးကိၢ်န့ၣ်လီၤ.

⁵ တၢ်အိၣ်ဆိးလၢသုကျါန့ၣ် အၢဝဲဒ်သိးဒၣ် တၢ်အိၣ်ဆိးလၢပှၤမ့ၤၡးဖိ မ့တမ့ၢ် ပှၤက့ဒၢ်ဖိအသိးအကျါန့ၣ်လီၤ.

⁶ ယအိၣ်ဆိးတ့ၢ်ယဲဃဲးဃဲး လၢပှၤဂီၢ်မုၢ်အသးဟ့တၢ်ဃူတၢ်ဖိးအကျါလီၤ.

⁷ ဖဲယကတိၤတၢ်ဃူတၢ်ဖိးအဂ့ၢ်န့ၣ် အဝဲသ့ၣ်တဖၣ် အဲၣ်ဒိးတၢ်ဒုးတၢ်ယၤလီၤ.