လံာ်တၢ်ဂံၢ် 7 - Sgaw Karen Common Bible

ပှၤခိၣ်ပှၤနၢ်တဖၣ်အတၢ်လုၢ်တၢ်ပာ်တဖၣ်

¹ မုၢ်တနံၤလၢစီၤမိၤၡ့ထီထီၣ်ယွၤအိၣ်ဝဲဆိးဝဲအဒဲစီဆှံ ဝံၤဝဲန့ၣ်, အဝဲဖှူဒီးပာ်စီဆှံထီၣ်ဒဲစီဆှံန့ၣ်ဒီးကယဲၢ် အတၢ်ပီးတၢ်လီတဖၣ်, ဒီးတၢ်လုၢ်လီၢ်ဒီးအတၢ်ပီး တၢ်လီခဲလၢာ်န့ၣ်လီၤ.

² အန့ၣ်ဝံၤဒီးဒူၣ်ထၢအပဒိၣ်တဖၣ်လၢအမ့ၢ်အံၣ်စရ့လးအဒူၣ်အခိၣ် အနၢ်တဖၣ်, ပှၤတဖုဃီလၢအကဲခိၣ်ကဲနၢ်လၢတၢ်ထၢဖှိၣ်ကွဲးနီၣ်ပှၤ အနီၣ်ဂံၢ်တဖၣ်န့ၣ်,

³ ဟဲစိာ်ဃီၤအတၢ်လုၢ်မၤဘူၣ်တဖၣ်ဆူယွၤအအိၣ်လၢအမ့ၢ်လ့ၣ်ဃုခိၣ် ဒီးကျီၢ်ဖါတဆံခံဒု, လ့ၣ်တခိၣ်န့ၣ်လၢကယဲၢ်ပှၤအခိၣ်ခံဂၤအဂီၢ်ဒီးကျီၢ်ဖါတဒုလၢ ပှၤအခိၣ်တဂၤစုာ်စုာ်အဂီၢ်န့ၣ်လီၤ. တုၤအဝဲသ့ၣ်ဟ့ၣ်ထီၣ်ဝဲဒၣ်ဝံၤန့ၣ်,

⁴ ယွၤစံးဘၣ်စီၤမိၤၡ့,

⁵ “တူၢ်လိာ်တၢ်ဟ့ၣ်တဖၣ်အံၤလၢတၢ်ကသူအီၤလၢဒဲစီဆှံ အတၢ်မၤကဘၣ်တၢ်မၤဝံၤအီၤအဂီၢ်ဒီးဟ့ၣ်လီၤအီၤဆူပှၤလ့ၤဝံ ဖိတဖၣ်အအိၣ်ဒ်တၢ်မၤလၢအဝဲသ့ၣ်ကဘၣ်မၤဝဲအသိးန့ၣ်တက့ၢ်.”

⁶ မၤသးဒ်န့ၣ်ဒီးစီၤမိၤၡ့ဟ့ၣ်လီၤလ့ၣ်တဖၣ်ဒီးကျီၢ်ဖါတဖၣ်ဆူ ပှၤလ့ၤဝံဖိတဖၣ်အအိၣ်န့ၣ်လီၤ.

⁷ အဝဲဟ့ၣ်လီၤလ့ၣ်ခံခိၣ်ဒီးကျီၢ်ဖါလွံၢ်ဒုဆူပှၤက့ရၡိၣ်ဖိ တဖၣ်အအိၣ်,

⁸ ဒီးလ့ၣ်လွံၢ်ခိၣ်ဒီးကျီၢ်ဖါဃိးဒုဆူပှၤမရၤရံၤဖိတဖၣ် အအိၣ်လီၤ. အဝဲသ့ၣ်အတၢ်မၤခဲလၢာ်ကဘၣ်တၢ်မၤဝံၤအီၤလၢစီၤ အၤဟရိၣ်အဖိခွါစီၤအံၤသမၢ်အတၢ်ပၢတၢ်ဆှၢအဖီလာ်န့ၣ်လီၤ.

⁹ ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.

¹⁰ ပှၤခိၣ်ပှၤနၢ်တဖၣ်ဟဲစိာ်စ့ၢ်ကီးတၢ်လုၢ်မၤဘူၣ်တဖၣ်လၢတၢ်ကမၤ တၢ်ပာ်စီဆှံထီၣ်တၢ်လုၢ်လီၢ်အမူးအဂီၢ်န့ၣ်လီၤ. ဖဲအဝဲသ့ၣ်အိၣ်ကတဲာ်ကတီၤလံအသးလၢကဟ့ၣ်ထီၣ်အတၢ်ဟ့ၣ်သ့ၣ် တဖၣ်ဖဲတၢ်လုၢ်လီၢ်အခါန့ၣ်,

¹¹ ယွၤစံးဘၣ်စီၤမိၤၡ့, “တဲဘၣ်အဝဲသ့ၣ်လၢကိးမုၢ်နံၤဒဲး လၢတဆံခံသီအတီၢ်ပူၤန့ၣ်, ခိၣ်နၢ်တဖၣ်အကျါတဂၤကဘၣ်ဟ့ၣ်ထီၣ်အတၢ်ဟ့ၣ်တဖၣ် လၢတၢ်ပာ်စီဆှံတၢ်လုၢ်လီၢ်အဂီၢ်န့ၣ်တက့ၢ်.”

^12-83 အဝဲသ့ၣ်ဟ့ၣ်ထီၣ်အတၢ်လုၢ်မၤဘူၣ်တဖၣ်ဒ်တၢ်ရဲၣ်လီၤကျဲၤလီၤလၢ လာ်အံၤအသိးန့ၣ်လီၤ. မုၢ်နံၤ ပှၤအဒူၣ် အခိၣ်အနၢ် တၢတသီ ယူဒၤ စီၤဧမံၤနဒးအဖိခွါစီၤနၤဃၡိၣ် ခံသီတသီ ယံးစၣ်ကၢ် စီၤစူဧၢ်အဖိခွါစီၤနၤသန့လး သၢသီတသီ စဘူလိၣ် စီၤဃ့လူၣ်အဖိခွါစီၤအလံအာ် လွံၢ်သီတသီ ရူၤဘ့ၣ် စီၤၡဒ့အူၢ်အဖိခွါစီၤအလံစူၢ် ယဲၢ်သီတသီ စူၤမ့းအိၣ် စီၤစူၤရံၡးဒံၤအဖိခွါစီၤၡလူမံၤအ့လး ဃုသီတသီ ကး စီၤဒဧူၤအ့လးအဖိခွါစီၤအ့လယၤစာ် နွံသီတသီ အ့ဖရဲၣ် စီၤဧးမံၤဟူးအဖိခွါစီၤအလံၡမၤ ဃိးသီတသီ မနၤၡ့ၤ စီၤပဒၤစူၢ်အဖိခွါစီၤကမၤလ့လး ခွံသီတသီ ဘံၣ်ယၤမံၣ် စီၤကံးဒဧိနံၤအဖိခွါစီၤအဘံဒၣ် တဆံသီတသီ ဒၣ် စီၤဧးမံၤၡးဒံၤအဖိခွါစီၤအဃံၤဧ့စ့ၢ် တဆံတၢသီတသီ အၤၡ့ၢ် စီၤဧးကရၣ်အဖိခွါစီၤပးကံၤအ့လး တဆံခံသီတသီ နးသၤလံ စီၤဧ့နၣ်အဖိခွါစီၤအဃံရၤ တၢ်လုၢ်မၤဘူၣ်တဖၣ်လၢပှၤတဂၤ ဘၣ်တဂၤဟဲစိာ်ဝဲဒ်သိးသိးလိာ်အသးန့ၣ်လီၤ. မ့ၢ်ဝဲ, သလၢစ့တဖျၢၣ်လၢအဃၢလီၤတယၢၢ်ၡက့လးနွံဆံဒီးသီတ့ၤစ့တဘ့ၣ် လၢအဃၢလီၤတယၢၢ်ၡက့လးတကယၤသၢဆံဒ်တၢ်လုၢ်လီၢ် အနီၣ်ထိၣ်အိၣ်ဝဲဒၣ်အသိးန့ၣ်လီၤ. ဒီးလၢခံမံၤလိာ်အပူၤန့ၣ်ပှဲၤဝဲဒၣ်လၢကိၣ်ကမူၣ်ဃါဃုာ် အသးလၢသိလၢတၢ်လုၢ်မၤဘူၣ်ကိၣ်တဖၣ်အဂီၢ်န့ၣ်လီၤ. လီခီထူတဘ့ၣ်လၢအဃၢလီၤတယၢၢ်ၡက့လးတဆံပှဲၤဒီးတၢ်နၢမူ, ကျီၢ်ဖါဖိတဒု, သိဖါတဒု, ဒီးသိဖိအသးအိၣ်တနံၣ်တဒု, လၢတၢ်လုၢ်မ့ၣ်အူအဂီၢ်, ဒီးမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးကျီၢ်ဖါခံဒု, သိဖါယဲၢ်ဒု, မဲာ်တဲးလဲးယဲၢ်ဒု, သိဖိအသးအိၣ်တနံၣ်ယဲၢ်ဒုလၢတၢ်လုၢ်မၤဃူမၤဖိးအဂီၢ်န့ၣ် လီၤ.

မုၢ်နံၤ ပှၤအဒူၣ် အခိၣ်အနၢ်

^84-88 တၢ်လုၢ်မၤဘူၣ်ခဲလၢာ်ပာ်ဖှိၣ်လၢပှၤအခိၣ်တဆံခံဂၤဟဲစိာ်တ့ၢ် ဝဲလၢတၢ်ပာ်စီဆှံထီၣ်တၢ်လုၢ်လီၢ်အဂီၢ်မ့ၢ်ဒ်အဖီလာ်အံၤအသိး န့ၣ်လီၤ. သလၢစ့တဆံခံဖျၢၣ်ဒီးသီတ့ၤစ့တဆံခံဘ့ၣ်လၢအလီၤတယၢၢ်ဃၢ ခဲလၢာ်ၡက့လးခံကထိလွံၢ်ကယၤ လီခီထူတဆံခံဖျၢၣ်လၢအလီၤတယၢၢ်ဃၢဝဲခဲလၢာ်ၡက့လးတကယၤ ခံဆံပှဲၤဒီးတၢ်နၢမူ, ကျီၢ်ဖါတဆံခံဒု, သိဖါတဆံခံဒု, သိဖိအသးအိၣ်တနံၣ်တဆံ ခံဒုဃုာ်ဒီးတၢ်လုၢ်မၤဘူၣ်ကိၣ်တဖၣ်လၢကဘၣ်တၢ်လုၢ်ထီၣ်ဃုာ် အီၤလၢတၢ်လုၢ်မ့ၣ်အူတဖၣ်အဂီၢ်န့ၣ်လီၤ. မဲာ်တဲးလဲးတဆံခံဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ် ကျီၢ်ဖါခံဆံလွံၢ်ဒု, သိဖါဃုဆံ, မဲာ်တဲးလဲးဃုဆံ, သိဖိ အသးအိၣ်တနံၣ်ဃုဆံ, လၢတၢ်လုၢ်မၤဃူမၤဖိးအဂီၢ်န့ၣ်လီၤ.

⁸⁹ ဖဲစီၤမိၤၡ့လဲၤနုာ်လီၤဆူဒဲစီၤဆှံအပူၤဒ်သိးက, ကတိၤတၢ်ဒီးယွၤအကတီၢ်န့ၣ်အဝဲနၢ်ဟူယွၤကတိၤတၢ်ဒီးအီၤလၢ တလါစီဆှံအခိၣ်ကၢၢ်အဖီခိၣ်ဖဲတၢ်ဘၣ်တ့အိၣ်ဒီးအဒံးဆ့အိၣ်ဝဲခံခီ တဖၣ်အကဆူးန့ၣ်လီၤ.