လံာ်တၢ်ဘူၣ်ထီၣ်ဘါထီၣ် 3 - Sgaw Karen Common Bible

တၢ်လုၢ်မၤဃူမၤဖိးတၢ်တဖၣ်

¹ ပှၤတဂၤလၢ်လၢ်မ့ၢ်လုၢ်ထီၣ်အဂီၤဖံးဒ်တၢ်လုၢ်မၤဃူမၤဖိးအသိးန့ၣ်, ကဘၣ်မ့ၢ်ဂီၤဖံးအဖါတဒုမ့တမ့ၢ်အမိၢ်တဒုလၢအတအိၣ်ဒီးမဲၣ်သူ မဲၣ်ဂီၤဘၣ်န့ၣ်လီၤ.

² ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

³ ဒီးလုၢ်ထီၣ်တၢ်အသိလၢအအိၣ်လၢအပှံာ်ဒီးအကဖုအလိၤခဲလၢာ်,

⁴ အကလ့ၢ်ခံဖျၢၣ်ဒီးအသိအိၣ်လၢအလိၤ, ဒီးအသူၣ်အဂ့ၤက တၢၢ်တခီန့ၣ်လီၤ.

⁵ အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

⁶ ဒီးတၢ်လုၢ်ထီၣ်သိမ့တမ့ၢ်မဲာ်တဲးလဲးလၢတၢ်လုၢ်မၤဃူမၤဖိး တၢ်အဂီၢ်န့ၣ်, ကဘၣ်မ့ၢ်အဖါမ့တမ့ၢ်အမိၢ်လၢအတအိၣ်ဒီး မဲၣ်သူမဲၣ်ဂီၤဘၣ်န့ၣ်လီၤ.

⁷ ဒီးပှၤတဂၤဂၤမ့ၢ်လုၢ်ထီၣ်အသိတဒုန့ၣ်,

⁸ အဝဲကဘၣ်ပာ်အစုလၢအသိအခိၣ်လိၤ, ဒီးမၤသံကွံာ်အီၤလၢတၢ်ဘူၣ် ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်တဖၣ် ကလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

⁹ ဒီးဘၣ်လုၢ်ထီၣ်အသိ, အမဲၢ်လၢအအိၣ်ဒီးအသိတဘိလၢတၢ်ဒီၣ်တဲာ် စဲဘူးဒီးအချၢဃံ, ဒီးတၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,

¹⁰ အကလ့ၢ်ခံဖျၢၣ်ဒီးအသိအိၣ်လၢအလိၤ, ဒီးအသူၣ်အဂ့ၤကတၢၢ် တခီန့ၣ်လီၤ.

¹¹ ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်န့ၣ်လီၤ.

^12-13 ဒီးပှၤတဂၤဂၤမ့ၢ်လုၢ်ထီၣ်မဲာ်တဲးလဲးတဒုန့ၣ်, အဝဲကဘၣ်ပာ်အစုလၢအမဲာ်တဲးလဲးအခိၣ်လိၤ, ဒီးမၤသံအီၤဖဲတၢ် ဘူၣ်ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်ကလူလီၤတၢ် သွံၣ်ဝးတရံးတၢ်လုၢ်လီၢ်န့ၣ်လီၤ.

¹⁴ ဒီးဘၣ်လုၢ်ထီၣ်တၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,

¹⁵ အကလ့ၢ်ခံဖျၢၣ်ဒီးတၢ်အသိအိၣ်လၢအလိၤ, ဒီးအသူၣ်အဂ့ၤကတၢၢ်တခီန့ၣ်လီၤ.

¹⁶ ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်လၢအမၤမုာ်ယွၤအသးအသိးန့ၣ်လီၤ. တၢ်အသိခဲလၢာ်န့ၣ်မ့ၢ်ယွၤအတၢ်န့ၣ်လီၤ.

¹⁷ တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.