လံာ်စီၤယိၤဘး 25 - Sgaw Karen Common Bible

^1-2 ဒီးပှၤၡူၤဃးဖိစီၤဘံးလဒးစံးဆၢဝဲဒၣ်, ကစၢ်ယွၤန့ၣ်အစိအကမီၤဒိၣ်ဝဲ, ကယဲၢ်ပှၤကိးဂၤဒဲးကဘၣ်ဆၢထၢၣ်လၢတၢ်ပျံၤတၢ်ဖုးအီၤအပူၤလီၤ. အဝဲပၢၤဃးအမူခိၣ်အဘီမုၢ်လၢတၢ်ဃူတၢ်ဖိးအပူၤန့ၣ်လီၤ.

³ မ့ၢ်ပှၤဂံၢ်ကလူးတဖၣ်လၢအမၤအတၢ်ခ့တၢ်ပှၤအတၢ်မၤသ့တဂၤဂၤဧါ. တၢ်လီၢ်လၢကစၢ်ယွၤအတၢ်ကပီၤတဆဲးလီၤဘၣ်အလီၢ်န့ၣ်အိၣ်ဝဲ တပူၤပူၤဧါ.

⁴ လၢကစၢ်ယွၤအမဲာ်ညါန့ၣ်ပှၤတီဝဲလိၤဝဲဒီးစီဝဲဆှံဝဲကသ့တဂၤဂၤဧါ.

⁵ လါဒၣ်လဲာ်တကပြုၢ်ကပြီၤဝဲဘၣ်ဒီးဆၣ်တဖၣ်စ့ၢ်ကီး တကဆှီဘၣ်လၢအမဲာ်ညါဘၣ်.

⁶ အန့ၣ်ဒီးပှၤကညီလၢအမ့ၢ်ထိးကလဲာ်ဒီးလၢၢ်ဧိၤဆှးဧိၤန့ၣ် ကမ့ၢ်ဝဲတၢ်ဒ်လဲၣ်. လၢကစၢ်ယွၤအမဲာ်ညါန့ၣ်ပှၤကညီကကၢ ကီၣ်ဝဲထဲလဲၣ်.