ဧ့ၤဘြံၤ 6 - Sgaw Karen Common Bible

¹ မၤသးဒ်န့ၣ်ဒီးမ်ပသုတအိၣ်လၢၤဒၣ်ဖဲတၢ်ဘၣ်ဃးဒီး တၢ်စူၢ်တၢ်နာ်ခရံာ်အခီၣ်ထံးန့ၣ်တဂ့ၤ, မ်ပလဲၤသကိးဆူတၢ်ဒိၣ်တုာ်ခိၣ်ပှဲၤအပူၤန့ၣ်တက့ၢ်. မ်ပသုတက့ၤကဒါက့ၤဆူတၢ်ပာ်လီၤကဒီးတၢ်အခီၣ်ထံးလၢ အမ့ၢ်, တၢ်ပီၢ်ယၢ်လီၤက့ၤပသး, တၢ်ဃၣ်ကဒါက့ၤသးလၢတၢ်သံအတၢ်ဖံးတၢ်မၤဆူတၢ်နာ် ကစၢ်ယွၤအအိၣ်,

² တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

³ ကစၢ်ယွၤမ့ၢ်ဟ့ၣ်ပှၤတၢ်အခွဲးအယာ်ဒီးမ်ပကလဲၤသကိးဆူညါ တက့ၢ်.

^4-5 အဂ့ၢ်ဒ်အံၤ, ပှၤလၢအသးဘၣ်တၢ်ဒုးကပီၤထီၣ်တ့ၢ်လံအီၤတဘျီ, ပှၤလၢအကလၢၢ်ဘၣ်တ့ၢ်လံမူခိၣ်အတၢ်ဟ့ၣ်, ဒီးကဲထီၣ်ဘၣ်ပှၤဒိးန့ၢ်ဃုာ်သးစီဆှံ, ဒီးလ့ၣ်ကွၢ်တ့ၢ်လံလၢယွၤအကလုၢ်ကထါမ့ၢ်တၢ်ဂ့ၤဒီးကလၢၢ် ဘၣ်တ့ၢ်လံခဲကိာ်တဃၣ်အစိအကမီၤတဖၣ်န့ၣ်, ပကဆှၢကဒါက့ၤအီၤဆူတၢ်ပီၢ်ယၢ်လီၤက့ၤအသးန့ၣ်ကသ့လၢကျဲဒ် လဲၣ်.

⁶ ဒီးတုၤအဝဲသ့ၣ်စူးကွံာ်ညိကွံာ်အတၢ်စူၢ်တၢ်နာ်န့ၣ်တၢ်ကဆှၢ ကဒါက့ၤကဒီးအီၤဆူတၢ်ပီၢ်ယၢ်လီၤက့ၤအသးန့ၣ်တသ့ဘၣ်. မ့ၢ်လၢ အဝဲသ့ၣ်ပျၤထီကဒီးကစၢ်ယွၤအဖိခွါဒီး မၤမဲာ်ဆှးအီၤလၢကမျၢၢ်အမဲာ်ညါအဃိန့ၣ်လီၤ.

⁷ ဟီၣ်ခိၣ်လၢအဆူးနုာ်တၢ်စူၤထံလၢအလီၤဘၣ်လၢအလိၤ တလီၢ်လီၢ်တလီၢ်လီၢ်ဒီးဒုးမဲထီၣ်တၢ်မုၢ်တၢ်ဘိလၢအကဲထီၣ် တၢ်ဘျုးတၢ်ဖှိၣ်လၢပှၤလၢတၢ်သူၣ်န့ၢ်တၢ်လၢအဂီၢ်န့ၣ်, ကစၢ်ယွၤဆိၣ်ဂ့ၤဝဲလီၤ.

⁸ ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.

⁹ ပမ့ၢ်ကတိၤတၢ်ဒ်အံၤဘၣ်ဆၣ်ဒီး, တံၤသကိးသးဘိသ့ၣ်ဧၢ, ဖဲအဘၣ်ဃးဒီးသုန့ၣ်, ပနာ်သပှၢ်ကတၢၢ်လၢသုအိၣ်ဒီးတၢ်ဆိၣ်ဂ့ၤလၢအဂ့ၤဒၣ် တၢ်တက့ၢ်လၢအဘၣ်ဃးဒီးတၢ်အုၣ်က့ၤခီၣ်က့ၤန့ၣ်လီၤ.

¹⁰ အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

¹¹ ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

¹² မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

ကစၢ်ယွၤအတၢ်စံးပာ်လၢအလီၤတံၢ်လီၤဆဲး

¹³ ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,

¹⁴ ဒီးစံး, “ယအၢၣ်လီၤနၤလၢယကဆိၣ်ဂ့ၤနၤဒီးဟ့ၣ်နၤလၢ နစၢၤနသွဲၣ်အါဂၤန့ၣ်လီၤ.”

¹⁵ စီၤအၤဘြၤဟၣ်အသူၣ်စူၤသးစူၤသတးဒီးဒိးန့ၢ်တၢ်စံးပာ် န့ၣ်လီၤ.

¹⁶ ဖဲပှၤကညီဆိၣ်လီၤအသးန့ၣ်, အဝဲသ့ၣ်သူပှၤလၢအဒိၣ်န့ၢ် အဝဲသ့ၣ်အမံၤဒီးတၢ်ဆိၣ်မ့ၢ်တၢ်လၢအမၤကတၢၢ်ကွံာ် တၢ်ဂ့ၢ်လိာ်ဘှီလိာ်ခဲလၢာ်လီၤ.

¹⁷ လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

¹⁸ လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

¹⁹ ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

²⁰ ဖဲယ့ၣ်ၡူးလဲၤနုာ်ဆိဝဲလၢပခၢၣ်စးဒီးကဲထီၣ်လၢပပှၤလုၢ်တၢ် အခိၣ်အဒိၣ်ကတၢၢ်လီၤစိၤလီၤထီတကလုာ်ဃီဒီးစီၤမၤလကံစဒ့းန့ၣ်လီၤ.