လံာ်တၢ်ကဲထီၣ်အခီၣ်ထံး 5 - Sgaw Karen Common Bible

စီၤအၤဒၣ်အစၢၤအသွဲၣ်တဖၣ်

¹ အအံၤမ့ၢ်တၢ်ကွဲးနီၣ်ဘၣ်ဃးစီၤအၤဒၣ်အစၢၤအသွဲၣ်န့ၣ်လီၤ. (ဖဲကစၢ်ယွၤတ့လီၤပာ်လီၤပှၤဟီၣ်ခိၣ်ဖိန့ၣ်မၤဝဲဒ်အဂီၤဒၣ် ဝဲအသိးန့ၣ်လီၤ.

² အဝဲတ့လီၤတ့ၢ်အီၤပိာ်ခွါဒီးပိာ်မုၣ်ဝံၤဆိၣ်ဂ့ၤအီၤဒီး ယုၢ်န့ၢ်အမံၤလၢ, “ပှၤဟီၣ်ခိၣ်ဖိ” န့ၣ်လီၤ.)

³ ဖဲစီၤအၤဒၣ်အသးအိၣ်ဝဲအနံၣ်တကယၤသၢဆံန့ၣ်အဝဲထီၣ်ဖိ အဖိခွါလၢအလီၤဂာ်ဒီးအီၤဒီးယုၢ်န့ၢ်ဝဲအမံၤလၢစီၤၡ့သး န့ၣ်လီၤ.

⁴ အန့ၣ်ဝံၤအလီၢ်ခံစီၤအၤဒၣ်အိၣ်မူကဒီးအနံၣ်ဃိးကယၤန့ၣ်လီၤ. အဝဲအိၣ်ဒီးအဖိအဂုၤအဂၤတဖၣ်,

⁵ ဒီးသံဝဲဖဲအသးအိၣ်အနံၣ်ခွံကယၤသၢဆံန့ၣ်လီၤ.

⁶ ဖဲစီၤၡ့သးအသးအိၣ်အနံၣ်တကယၤယဲၢ်နံၣ်န့ၣ်ထီၣ်ဖိအဖိခွါ တဂၤလၢအမ့ၢ်စီၤအနိၣ်န့ၣ်လီၤ.

⁷ ဒီးအိၣ်မူကဒီးဝဲအနံၣ်ဃိးကယၤနွံနံၣ်န့ၣ်လီၤ. အဝဲထီၣ်ဖိအဖိအဂုၤအဂၤတဖၣ်

⁸ ဒီးသံဝဲဖဲအသးအိၣ်ခွံကယၤတဆံခံနံၣ်န့ၣ်လီၤ.

⁹ ဖဲစီၤအနိၣ်အသးအိၣ်အနံၣ်ခွံဆံန့ၣ်ထီၣ်ဖိအဖိခွါစီၤက့ၤနၣ်န့ၣ်လီၤ.

¹⁰ ဒီးအိၣ်မူကဒီးဝဲအနံၣ်ဃိးကယၤတဆံယဲၢ်နံၣ်န့ၣ်လီၤ. အဝဲထီၣ်ဖိအဖိအဂုၤအဂၤတဖၣ်

¹¹ ဒီးသံဝဲဖဲအသးအိၣ်ခွံကယၤယဲၢ်နံၣ်န့ၣ်လီၤ.

¹² ဖဲစီၤက့ၤနၣ်အသးအိၣ်အနံၣ်နွံဆံန့ၣ်ထီၣ်ဖိအဖိခွါစီၤမၤ ဟလၤလ့လးန့ၣ်လီၤ.

¹³ ဒီးအိၣ်မူကဒီးဝဲအနံၣ်ဃိးကယၤလွံၢ်ဆံန့ၣ်လီၤ.

¹⁴ အဝဲထီၣ်ဖိအဖိအဂုၤအဂၤတဖၣ်ဒီးသံဝဲဖဲအသးအိၣ်အနံၣ်ခွံ ကယၤတဆံန့ၣ်လီၤ.

¹⁵ ဖဲစီၤမၤဟလၤလ့လးအသးအိၣ်ဃုဆံယဲၢ်နံၣ်န့ၣ်ထီၣ်ဖိအဖိခွါ တဂၤလၢအမ့ၢ်စီၤယၤရ့းန့ၣ်လီၤ.

¹⁶ ဒီးအိၣ်မူကဒီးဝဲအနံၣ်ဃိးကယၤသၢဆံန့ၣ်လီၤ. အဝဲထီၣ်ဖိအဖိအဂုၤအဂၤတဖၣ်

¹⁷ ဒီးသံဝဲဖဲအသးအိၣ်ဃိးကယၤခွံဆံယဲၢ်နံၣ်န့ၣ်လီၤ.

¹⁸ ဖဲစီၤယၤရ့းအသးအိၣ်တကယၤဃုဆံခံနံၣ်န့ၣ်ထီၣ်ဖိအဖိခွါ တဂၤလၢအမ့ၢ်စီၤဃနိာ်န့ၣ်လီၤ.

¹⁹ အန့ၣ်ဝံၤဒီးအိၣ်မူကဒီးအနံၣ်ဃိးကယၤန့ၣ်လီၤ. အဝဲထီၣ်ဖိအဖိအဂုၤအဂၤတဖၣ်,

²⁰ ဒီးသံဝဲဖဲအသးအိၣ်ခွံကယၤဃုဆံခံနံၣ်န့ၣ်လီၤ.

²¹ ဖဲစီၤဃနိာ်အသးအိၣ်ဃုဆံယဲၢ်နံၣ်န့ၣ်ထီၣ်ဖိအဖိခွါတဂၤလၢ အမ့ၢ်စီၤမသူၤၡလၤန့ၣ်လီၤ.

²² အန့ၣ်ဝံၤအလီၢ်ခံစီၤဃနိာ်ရ့လိာ်သကိးအသးဒီးကစၢ်ယွၤအနံၣ် သၢကယၤဒီးထီၣ်ဖိအဖိအဂုၤအဂၤတဖၣ်န့ၣ်လီၤ.

²³ စီၤဃနိာ်အိၣ်မူဝဲသၢကယၤဃုဆံယဲၢ်နံၣ်လီၤ.

²⁴ အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

²⁵ ဖဲစီၤမသူၤၡလၤအသးအိၣ်တကယၤဃိးဆံနွံနံၣ်န့ၣ်ထီၣ်ဖိအဖိ ခွါစီၤလ့ၤမ့းန့ၣ်လီၤ.

²⁶ ဒီးအိၣ်မူကဒီးဝဲအနံၣ်နွံကယၤဃိးဆံခံနံၣ်န့ၣ်လီၤ. အဝဲထီၣ်ဖိအဖိအဂုၤအဂၤတဖၣ်,

²⁷ ဒီးသံဝဲဖဲအသးအိၣ်အနံၣ်ခွံကယၤဃုဆံခွံနံၣ်န့ၣ်လီၤ.

²⁸ ဖဲစီၤလ့ၤမ့းအသးအိၣ်အနံၣ်တကယၤဃိးဆံခံနံၣ်န့ၣ်အဝဲ ထီၣ်ဖိအဖိခွါ

²⁹ ဒီးစံးဝဲဒၣ်, “ဖိသၣ်အံၤကဟဲစိာ်န့ၢ်ပှၤတၢ်ထူၣ်ဖျဲးလၢ ကယဲၢ်ပတၢ်မၤအကီအခဲလၢဟီၣ်ခိၣ်လၢယွၤပာ်တၢ်ဆိၣ်အၢတမံၤအဖီခိၣ် န့ၣ်လီၤ.” လၢတၢ်န့ၣ်အဃိယုၢ်န့ၢ်ဝဲအမံၤလၢစီၤနိအၤန့ၣ် လီၤ.

³⁰ စီၤလ့ၤမ့းအိၣ်မူကဒီးဝဲအနံၣ်ယဲၢ်ကယၤခွံဆံယဲၢ်နံၣ်န့ၣ် လီၤ. အဝဲထီၣ်ဖိအဖိအဂုၤအဂၤတဖၣ်

³¹ ဒီးသံဝဲဖဲအသးအိၣ်နွံကယၤနွံဆံနွံနံၣ်န့ၣ်လီၤ.

³² စီၤနိအၤအိၣ်မူဝဲအနံၣ်ယဲၢ်ကယၤဝံၤအလီၢ်ခံထီၣ်ဖိအဖိခွါ သၢဂၤလၢအမ့ၢ်စီၤၡ့ၣ်, စီၤဃၣ်ဒီးစီၤယ့ဖ့းသးတဖၣ်န့ၣ်လီၤ.